اشعارات

ماهي مطالبكم لنغرد بها :)

رد: ماهي مطالبكم لنغرد بها :)

الحكومة ماقصرت بس اللوم علينا مانشتكي ونتكلم أو يجيك موظف. يطلع قرار من راسه واذا قلت له موصحيح عصب واذا اشتكينا قالوا انت الغلطان

ياجماعه نطالب الوزاره بمتحدث رسمي عن المعاقين عشان يمثلنا ويقول مطالبنا للمسؤلين
 
رد: ماهي مطالبكم لنغرد بها :)

السلام عليكم ورحمة الله وبركاته
صراحة كلام جيد وياليت نوقف جنبا لجنب مع بعض صراحه انا اعانتي ظ،ظ،ظ¦ظ¦ ماتكفي لمشاوير السايق لمواعيد المستشفى وهم عطونا بس تاشيره واعفاء الرسوم طيب الاشياء ذي تهون عند اجرة المكتب والراتب الشهري وبعدين حتى حافز لما نسجل يطلع مرفوض لان السجلات الاجتماعيه تشير ان المتقدم غير قادر على العمل يعني هم كل الي يصرفون لهم بيتوظفون والله ياخذون الاعانه وهم فبيوتهم مانقول شي الله يرزق الجميع بس يعني كذا ماتصلح كل شي صار غالي وماعاد نلحق مصاريف العيال والبيت وكل شي يبي فلوس والله ياليت نلقى من يسمع لنا ويعيننا لان وربي النفسيه زفت من الضغوط الماليه والاجتماعيه بهالحياه وبعد انا طالبه علاج بالخارج ونازل الامر من شهر شوال العام ولا احد بلغنى من وزاره الصحه وكل مانراجع يقولون مافيه شي ياخوان والله دولتنا بخير ونعمة بس مشكلتنا البطانه الفاسده صراحه شي يرثى له واسفه على الاطاله لان لو بنتكلم بكل شي ماخلصنا بس يعيننا الله على هالحياه ومانقول غير يالله رضاك والجنه
والسلام خير ختام
 
رد: ماهي مطالبكم لنغرد بها :)

السلام عليكم ، اخوكم حيدر جديد معكم ..

جذبني طلب الأخ هذا بس قبله أحب اعلق على كلام اخوي نضمن سكن اقساط و الله يا خوي مو قادرين نعيش و لا راتبنا يسوي شي بس حييت أوضح نبي السكن ملك من الدولة و لكم الطلبات ما نزيد عليها لانها مناسبة لاحتياجات و متطلبات كل المعاقين

يعطيك العافيه اختي منال ، مطلبنا :


1/ زيادة الاعانه


2/ صرف مساعده مقطوعه


3/ التكفل برسوم استقدام الخادمه او الممرضه ورواتبها


4/ منحنا سكن بدون شروط تعجيزيه


5/ تأمين طبي لنا

و أضيف رفع طلب الأجهزة و توفيرها بسرعة فائقة و أضيف التكفل بجميع كافة مصاريف عند الحصول على العلاج في الخارج وشكرا


---
 
رد: ماهي مطالبكم لنغرد بها :)

نطالب مكتب العمل ان تكون رواتبنا لدى الشركات أكثر من 3000 ريال وعدم استغلال حاجتنا من قبل الشركات

خلونا نتفق جميع المعاقين وأي واحد يبي وظيفه لايوافق عليها قبل مايقول الراتب أكثر من 3000ريال وهالوقت يادوبه يكفي
 
رد: ماهي مطالبكم لنغرد بها :)

قواك الله اخوي ضوء القمر وكلام عين العقل ، حنا معك نعين ونعاون وكلمتنا وحده بإذن الله .
 
رد: ماهي مطالبكم لنغرد بها :)

زيادة اعانة فئة ب 24 صراحة راتب العامله االهنديه احسن من هالفئة ع الاقل يستلمون راتب شهري وان قل .. والله حرام 4000 طول السنه تجي قد هي ديون ولا عمريتهنيت فيها 😭😭😭😭😭😭😭😭😭
 
رد: ماهي مطالبكم لنغرد بها :)

هوى امل قال:
قواك الله اخوي ضوء القمر وكلام عين العقل ، حنا معك نعين ونعاون وكلمتنا وحده بإذن الله .
اضغط للتوسيع...


الله يقويك ويعافيك أختي

وشكرا على التنبيه والملاحظه وانا اقتبستها من فكرتك :thumbup:
 
رد: ماهي مطالبكم لنغرد بها :)

السﻻم عليكم
1نطالب برفع اعانة لتعدد اعاقات بسيطة وش تسوي 833 بدا زمن نصرفها على مشاوير مستشفيات كل شيء اصبح غالي
2 صرف بدل سكن لما نسافر لين رياض على حسابنا ونجلس ايام ونصرف مصاريف اقامتنا واكلنا وشربنا وادا طالبنا ببدل سكن سنة وعليها ماجاك شيء وﻻ جاك موعد وما بجيبك مصاريف
3 اطرابات النطق تدرج بين جدول اعاقات اهل يصرفون مصاريف كثير على اخصائين تخاطب باﻻف
4 توفير ارض سكنية لاي معاق سواء يسكن فيها او يسوي عليها مشروع وسهولة حصول عليها المعاق فرص عمل ضئيله له وان توفرت فيكون راتب قليل
5 سهوله الحصول على سيارات للمعاقين كم من اب راتبه فوق 8000وكلها ديون وماعندو سيارة يعني دراسة حاله اب اجتماعية مو على راتب ممكن راتب 20000وعندو كم معاق يصرف عليه وﻻ عندو ديون فيجب مراعات هده نقطة
وان شاء الله معاق يحصل على كامل حقوقه في عهد ملك جديد بابا سلمان
 
رد: ماهي مطالبكم لنغرد بها :)

منال بندر قال:
السلام عليكم ورحمة الله وبركاته

احبتي

يعلم الله اهتمامي بكم و سعة صدري في الاستماع لكم وطلبي ان

تتم كتابة طلباتكم في هذا الموضوع بإيجاز و اختصار في شكل نقاط
1-
2-
3-

حتى تساعدني في ترتيبها في حسابكم في تويتر "يمنع ادراج الايميلات والحسابات بالمواضيع "و التغريد بها بشكل مستمر لجذب مزيد من الاهتمام من الاعلام ومن يعرف حساب تويتري يفيدنا في هذا الشأن ( لايقصر)

ثقفوني باحتياجاتكم وما تعانونه فعلا بوضوح ومصداقيه لئلا يجد المسئول مهرب او يتلكئ و يتعذر بأي شكل كان ( بالسعودي نحشره بالزاويه)

ودمتم بخير .
اضغط للتوسيع...


١-زيادة المعونه
٢-مساعده مقطوعة كل سنه
٣-تقديم شغاله والراتب علينا


---
 
رد: ماهي مطالبكم لنغرد بها :)

1- رفع معدل الراتب الشهري وخاصة المعاق صاحب أسرة
2- دعم في تكاليف إستقدام السائق والشغالة و رواتبهم
3-دعم الأدوات الطبيه لذوي الإحتياجات الخاصة
 
رد: ماهي مطالبكم لنغرد بها :)

نحن المعاقين نريد أن يكون لنا الأولوية لإستحقاق الوحدات السكنية دون تعقيد أو نقاط استحقاق
 
رد: ماهي مطالبكم لنغرد بها :)

تنبيه

ارجوا منكم متابعة الحساب ونشره بين اهلكم واحبابكم ممن يمتلك... "يمنع ادراج الايميلات والحسابات بالمواضيع "
 
رد: ماهي مطالبكم لنغرد بها :)

وينكم ياشباب نحتاج دعم بالحساب الجديد ، رتويت وتعليق لو سمحتوا
 
رد: ماهي مطالبكم لنغرد بها :)

منال بندر قال:
وسعوا صدوركم واللي تبونه اكتبوه والتنسيق علي مايهمكم

حقوقكم ولازم تاخذونها بالقوه بالمروه بتاخذونها بس نتعاون ونتكاتف
اضغط للتوسيع...


اختي منول نطالب برفع المعدل الشهري مثل الضمان
ونطالب بمقطوعه سنويه
وايضا دعم تكاليف استقدام السائق والشغاله ورواتبهم
ونطالب بأعطاء نا منح اراضي
وتأمين طبي



---
 
رد: ماهي مطالبكم لنغرد بها :)

اخواني اسم الحساب الجديد بتويتر الخاص بمطالب ذوي الاحتياجات هو
"يمنع ادراج الايميلات والحسابات بالمواضيع "
 
رد: ماهي مطالبكم لنغرد بها :)

تقريبا كل هذا غردنا فيه

غيره يلا انتظركم وبشوف المنتدى ومواضيعه الله يوفقنا

اما الاحباط هذا بعيد عني وبالي طويل وعملي في الحساب يحتاج تخطيط و تطوير وثقافه وتعمق اكثر لاتخاف صريح جدا الامور طيبه مهنا احباط يالذيب تفائل
 
رد: ماهي مطالبكم لنغرد بها :)

انا ما اتكلم عنك اختي منال أعانك الله
انا اتكلم عن الموجودين في المنتدى

اتوقع الأغلبيه يبحث عن مصالحه الشخصيه ولا هناك تعاون

واعتقد انهم يرضون بفتات الخبز لهذا هم مهمشين

والإعاقه إعاقة عقل وليست اعاقة جسد


---
 
يجب تسجيل الدخول أو التسجيل كي تتمكن من الرد هنا.

عودة
أعلى