متجمعين متجمعين الله لايعوق بشر

[فالح عبدالله الهاجري]

بسم الله الرحمن الرحيم
بابا واجد قرقر مانبغا

شوفو سلمكم الله
وزارة الشئون نبي نتجمع عندها
ابن عثيمين نبي نتجمع عنده

ليه وليه وليه كل الكلام السابق مانبي نعيده لامجلس اعلى ولا توجيهات سلطان الا اذا التجمع عند هئية حقوق الانسان

بصراحه هالوزير يبيله جلسه وتجمع والتجمع للجميع للرجال والنساء
لازم جلسه متابعه هذولا اذا بنكتب ونطالب بالمنتديات بتقوم ناقه صالح وحنا مكانك سر ماستفدنا شئ

واليوم يومكم يامعاقين من كل مكان تعالو لمبنى الوزارة بالرياض من الشرقية والقصيم والرياض
نبي لايقل عن 100 معاق نبي انتفاضه للمعاقين

والاخوات لازم يجون او يوكلون احدى الاخوات ومافيها شئ لاطالبنا
وهالوحده تاخذ اسماء اللي ماهم حاضرات ومعنا تدخل على الوزير

شئ لايطاق هذا الصمت والاهمال
معاق اشتغل في وظيفه بسيطه تقطعون الضمان ولا معاق يستلم 2500 او ثلاثه للمتزوج تقطعون الاعانه

والكراسي والسيارات وغيرها
ولجنه للزواج بالوزارة ماهو موقع للشيخ خالد جزاه الله خير
والزواج له مميزات وغيره
عموما حددو اليوم والساعه لو نستأجر بفندق او استراحه لمده يومين بالرياض
ونسوي قطيه وحنا اخوان قبل وبعد لكن الترتيبات لازمه
تبونها اول صفر او اخر محرم
وقبل لانتجمع بنرسل فاكس وتلفون احد الشباب
ونقول حنا بنتجمع امام الوزارة يوم كذا

اذا الفاكس وصل وفيه خير قال تعالو كم واحد
واذا الفاكس لم يصل الوزير لكل حدث حديث
متجمعين متجمعين الله لايعوق بشر
وإي استفسار انا هنا واخوكم

 

[سعود]

رد: متجمعين متجمعين الله لايعوق بشر

عساكم على القوه وان شاء الله اكون معكم

 

[فالح عبدالله الهاجري]

رد: متجمعين متجمعين الله لايعوق بشر

ان شاء الله معنا ياسعود
انت حفراوي ومعذور

 

[الامل المتجدد]

رد: متجمعين متجمعين الله لايعوق بشر

عساكم ع القوه
بس والله يبيلكم تشاورون احد في هيئة حقوق الانسان التصرف الصحيح عشان ما تنقلب الايه عليكم
يعني مايصلح التجمهر بدون عمل مدروس

 

[فالح عبدالله الهاجري]

رد: متجمعين متجمعين الله لايعوق بشر

حياه حياه موت موت ماما
مافي مشاور
الحمدلله مافي معنا شئ
تجمع سلمي
وهئيه حقوق الانسان تبونا نروح لها رحنا مافي مشكله
اهم شئ صوتنا يوصل وجه لوجه
انتهى وقت التصريف
ومن كل المناطق اعتبروها كشته فسحه رحله

 

[الامل المتجدد]

رد: متجمعين متجمعين الله لايعوق بشر

حياه حياه موت موت ماما

وش ذي اللغه الجديده

اهم شئ صوتنا يوصل وجه لوجه

ايه اهم شي يوصل......... بس بطريقه صحيحه
ما نكون فيها عجرفه

 

[مُعان]

رد: متجمعين متجمعين الله لايعوق بشر

[align=center]
اخي الغالي فالح
لا يخفى عليك ان الوزير العثيمين بمجرد ما ترسل لة فاكس يتجاوب
واليوم كتب رهيب 2000 الموضوع ادناه
http://m3aq.net/vb/showthread.php?t=3322

ومن المفترض ان نهنيء انفسنا ان سخر الله لنا مثل هالوزير بتجاوبة
ولماذا لا تستغل هالنقطة لصالحنا
ونخطط لعرض بعض همومنا على الوزير من خلال طرح موضوع يشارك فية الجميع بشرط ان لاتدخل فية اي من فقرات توصيات سمو ولي العهد حتى لا يكون هناك ازدواجية حفاظا على وقت الوزير ووقتنا
ويتم ارسال فاكس من قبلك أخي فالح لطلب مقابلة الدكتور العثيمين مع مجموعة من الاخوة القادرين على الحوار في الوقت الذي يرغبة هو
واذا أتاح لنا فرصة مقابلتة نطلب منة ان يقترح علينا من باب المشورة ما يجب علينا فعلة لتفعيل دور المجلس الاعلى للاعاقة
وهل هناك أمل في تنفيذ توصيات سمو ولي العد الـ29 او الـ25 كما وردت في بعض الروايات وكيف السبيل اليها
من باب ان ذوي الاعاقة ابناءة وهو مرجعنا
ثم بعد ذلك نطرح عليه مطالب الاعضاء التي تمت اضافتها
ولا ننسى ايضا زيارة بعض الاخوة من ذوي الاعاقة الاشد صعوبة والذين لا يستطيعون التواصل مع الموقع وطرح بعض همومهم
وتاخذ المطالب الصيغة الجماعية بعيدا عن النظرة الفردية والمطلب الخاص
.
علي الفكرة وعليكم التنفيذ اذا اعجبتكم
تقبل عاطر التحايا[/align]

 

[عيون الاماكن]

رد: متجمعين متجمعين الله لايعوق بشر

[align=center]
عساكم عالقوه اخوي فالح
وربي يوفقكم ويكون معكم
ياليتني اكون معكم بس اااااخ ااااخ كان انفض هالوزاره باللي فيها طبعا بالكلام الزين
وربي يحميكم يارب
راح اكون معكم بقلبي وروحي
[/align]

 

[فالح عبدالله الهاجري]

رد: متجمعين متجمعين الله لايعوق بشر

الامل المتجدد
حياه حياه موت موت بلغه بعض المسلمين يعني مافيه خوف


معان ربي يسلمك
طيب انا رسلت فاكس وحوله لوكاله الشئون التاهيل وقالو دراسات وبحوث

ماينفع طال عمرك
لازم التجمع والفاكس لازم بنكتب حنا بنتجمع
اما قال ارسلو مناديب لكم
او يسكت
وفي حاله السكوت بنتجمع
والايام القادمه سوف تتضح الصورة اكثر ان شاء الله

الاخت الامل اللغه ماتغيرت بس ملينا من كثر مانكتب بشكل جاد ولا احد حولنا
شكرا للجميع

 

[فالح عبدالله الهاجري]

رد: متجمعين متجمعين الله لايعوق بشر

الاخت عيون الاماكن ماتقصرين والله يوفقنا لما يحب ويرضا وهلاوين بالجميع

 

[نعررقق]

رد: متجمعين متجمعين الله لايعوق بشر

كنت اتمنى اكون سعودية مثلكم واشارك في مثل هذي الاجتماعات الخيرة ولكن للاسف هنا في بلادنا الاردن لاصوت لك اولا وثانيا بالذات الان مخنوقين من مشاكل البلد مع الحكومة خاصة بسبب مظاهرات غزة وثالثا لا يوجد اي احد يسمعك هنا وخاصة انو عندك اعاقة وما معك واااااااسطة...

 

[منصور محمد الغامدي]

رد: متجمعين متجمعين الله لايعوق بشر

اتمنى من الجميع أخذ الموضوع بعين الأعتبار 0
ثانيا : المعلمون أخذوا حقوقهم بعد أن أقاموا الدنيا وأقعدوها ا ولا في حد احسن من حد 0
رجاء وبشكل سريع التحرك واشدد عالتنسيق مع بعض 0 وفي النهاية الفائدة للجميع
يعني مانبغى كلام وشعارات فقط 0000000000

 

[فورد]

رد: متجمعين متجمعين الله لايعوق بشر

[frame="7 98"]
يا اخ فالح ايش معنا بس التجمع من الشرقيه والقصيم والرياض وباقي المناطق يعني حنا عييال الشغاله
[/frame]:icon_twisted::icon_twisted::icon_twisted:

 

[فورد]

رد: متجمعين متجمعين الله لايعوق بشر

كنت اتمنى اكون سعودية مثلكم واشارك في مثل هذي الاجتماعات الخيرة ولكن للاسف هنا في بلادنا الاردن لاصوت لك اولا وثانيا بالذات الان مخنوقين من مشاكل البلد مع الحكومة خاصة بسبب مظاهرات غزة وثالثا لا يوجد اي احد يسمعك هنا وخاصة انو عندك اعاقة وما معك واااااااسطة...

:shiny01::shiny01::shiny01:

 

[فورد]

رد: متجمعين متجمعين الله لايعوق بشر

كنت اتمنى اكون سعودية مثلكم واشارك في مثل هذي الاجتماعات الخيرة ولكن للاسف هنا في بلادنا الاردن لاصوت لك اولا وثانيا بالذات الان مخنوقين من مشاكل البلد مع الحكومة خاصة بسبب مظاهرات غزة وثالثا لا يوجد اي احد يسمعك هنا وخاصة انو عندك اعاقة وما معك واااااااسطة...

[frame="1 98"]
اختي العزيزه ولا يهمك الحال من بعضه حنا اخوان سعودي والا اردني كله واحد
[/frame]:icon_4laugh::icon_4laugh:

 

[علي عبدالله البليهي]

رد: متجمعين متجمعين الله لايعوق بشر

فعلا أخوي فالح الكتابة للوزير لا تنفع لا بد من التجمع...ولكن قبل ذلك لابد من توحيد الهدف وكتابة عريضة موقعة من أكبر عدد ممكن من المعاقين...وتقدم للوزارة ولحقوق الانسان...الخ وأما الكتابة بدون تجمع فلا تنفع...وما زالت أصداء أخبار تجمع الأستاذ فالح ورفاقه عند الديوان الملكي مجلجلة في الصحف,,,فسيروا على بركة الله ونحن معكم

 

[فالح عبدالله الهاجري]

رد: متجمعين متجمعين الله لايعوق بشر

هلا بالجميع والتجمع لابد منه الله لايعوق بشر
ولي عوده

 

[الامل المتجدد]

رد: متجمعين متجمعين الله لايعوق بشر

الله لا يعوقكم بشر وتطلعون بنتيجه.........

 

[فالح عبدالله الهاجري]

رد: متجمعين متجمعين الله لايعوق بشر

هلا بالجميع وننتظر المتفاعلين
يعني تبون نكتب بالجرايد بنتجمع
اذا ماخدمتم انفسكم يالمعاقين محد خادمكم

 

[الأمواج العاليه]

رد: متجمعين متجمعين الله لايعوق بشر

الله يوفقكم وييسر أمركم وحنامعاكم باللي نقدر عليه