متجمعين متجمعين الله لايعوق بشر

[فالح عبدالله الهاجري]

رد: متجمعين متجمعين الله لايعوق بشر

حكومتنا الرشيقه ياوااو مقطعه جنحان المعاقين تقطيع
بدايه من الكراسي اللي تتاخر ظن منهم ان المعاقين يبيعونها الله لايوفق من قال هالكلام
حتى لو باعها وعنده كرسي يمشي مافيه مشكله
الكمبيوتر والبيانات فيه

اضف الى ذلك موظفين ذوي الاعاقه
يقطعون الضمان والاعانه بوضع حد للراتب

وتجمعنا بالصاله بالديوان الملكي وقالو ارجعو للوزاره

كتبت موضوع بعد هذا الموضوع في ما معناه اريد شخص شاهد على العصر ويشهد بما اقول لاني ناوي اظهر مافي قلب المنتدى بمكتب الوزير

هلا بالجميع وكلنا صف واحد وما يضيع حق وراه مطالب

 

[كلفر 881]

رد: متجمعين متجمعين الله لايعوق بشر

[glow1=ffffff]
[align=center]
أبشر بالخير يا فالح
فقط الوضع يبي له صبر
ولا تيأس
واللي ما يصير اليوم أو هالسنه
لا بد وان يأتي وقت ويصير
يمكن يذهب هذا الجيل
ويكون قد سوى للجيل القادم
ووضع خطوطا عريضة تنير طريقهم

لاتنس البطانة التعبانة اللي هم ورا كل بلوى ومشكلة
وفقك الله
[/align]
[/glow1]

 

[فالح عبدالله الهاجري]

رد: متجمعين متجمعين الله لايعوق بشر

شئ طيب ان يثمر العمل لو كان بعد حين
اهم شئ مواصله العمل وهذا حنا متجمعين ونسولف واسره واحده وكل منا في بيته الله يسعد كل مسلم اللهم آمين

الان عصر السرعه وكل ماتحتاجه الحكومه سوف نضعه بموقع مخصص ومنتدانا هو الراعي الرسمي
لابد من ظهور اصواتنا اما استفدنا حنا او زرعنا خير للمستقبل

هالبطانه ماسمعناها الا بالسعوديه
هذا عذر غير مقبول
ونحن على مانحن عليه من تجمع حتى لو كان الكتروني

شكرا لك

 

[عاشق الترحال]

رد: متجمعين متجمعين الله لايعوق بشر

مساكم قوة اخوي فالح ترا انا معكم في كل خطواتكم ملينا من هالتجاهل والتطنيش من كل المعنيين بشؤون ذوي الاحتياجات الخاصة انا جلست اربعة اشهر بدون سيارة كرهت نفسي رحت للديوان بشأن سيارة مقدمها على الديوان من سنتين او اكثر وراجعت الشؤون الاجتماعية ماخليت شي ولكن لافائدة لازم نشوف لنا حل انا معكم تحياتي

 

[فالح عبدالله الهاجري]

رد: متجمعين متجمعين الله لايعوق بشر

عاشق الترحال هلا اخوي ومقدر لك كلامك ووقفتك
والله كريم ننتظر هالشهرين لعل وعسى وانا معكم إي وقت بشرط المقابله والتجمع عند وزاره الشئون
او جمعيه الامير سلطان الذين اصدرو التوجيهات التي لم تفعل
شكرا