المتفائل
عضو فعال
صدمه تجيك من أبعد الناس تجرحك . . يمكن تعديها بْ حسبة ثواني
لكن لَ جتك من اقرب الناس تذبحك . . عشان تنساها تبي عمر ثاني
ياقلب انا كم لي اعاتبك وانصحك . . واقول لك ياقلب وانت تعصاني
اتعب على اللي كل ماجيت يفرحك . . لاتضيع ايامك ترى العمر فاني
اللي يبي يخسرك ماراح يربحك . . واللي يبي يربحك لاجلك يعاني
واللي يبي يسترك ماراح يفضحك . . يفضحك من يرضى عليك الهواني
واللي يبي يشتمك مراح يمدحك . . حتى لو انك مجني تصير جاني
واللي يبي قربك لو ابعدت يسبحك . . حتى لو انك بحر مابك مواني
واللي يبي بعدك لو يدل مطرحك . . ماجاك لو كنتم قراب المباني
اتعب على عيون ليا جات تلمحك . . تلمح بنظرتها لقدرك معاني
ولاتقرب مبعد القلب تلفحك . . هبايب الصدمات سم المحاني
صدمه تجيك من أبعد الناس تجرحك . . يمكن تعديها بْ حسبة ثواني
لكن لَ جتك من اقرب الناس تذبحك . . عشان تنساها تبي عمر ثاني
يا قلب ريحني عشان اريحك . . بيت الصحيح ولا بيوت الاماني!!
القصيدة للشاعر الكويتي/ سعد صالح المطرفي
قصيدة اعجبتني لسهولة معانيها ووضوحها وجزالة اللفظ لحملها حكم
واتمنى ان تنال اعجابكم
