استفسار بخصوص اعانة البهاق

[محبة للجنه]

رد: استفسار بخصوص اعانة البهاق

بالله ياجماعه اللي عنده خبر اكيد بان اعانة مرض البهاق تم ايقافها او لا يعطينا خبر الله يرزقه الجنه .
يعني بعد معاناه في الحصول على التقرير الطبي من مستشفى حكومي والبهدله اللي من صباح الله بين مكاتب الموظفين بالمستشفى وبعدها بين مكاتب الموظفات في التاهيل وانتظار البطاقات كم شهر في الاخير بكل بساطه خلاص مافي اعانه لمرض البهاق اصلن لو يعرفون العلاج وجلسات العلاج كم تكلف على الشخص بالشهر وفيها راح البهاق وفيها ماراح والله غير يزيدون الاعانه مو يوقفونها بس ما اقول غير حسبي الله ونعم الوكيل على كل شخص وافق على ايقاف الاعانه اذا كان صدق انه راح يتم ايقافها .

 

[نجمة مسافر]

رد: استفسار بخصوص اعانة البهاق

يالغاليه القرار نازل من 9 شهور وانت مقدمه عليهم من 5 شهور وشافوك ولا قالوا شي ورفعوا اوراقك
طيب لما تستعلمين برقم المستفيد وش الي يطلع لك في ( الماده - وضع بطاقة الصراف - حالة الاعانه ؟ )

 

[محبة للجنه]

رد: استفسار بخصوص اعانة البهاق

يطلع اعانه لغير شديدي الاعاقه والحاله جديده وبدون بطاقه

 

[نجمة مسافر]

رد: استفسار بخصوص اعانة البهاق

طيب حلو عندك معلومات ومعد بقى غير تصدر البطاقه
هدي بالك وتعوذي بالله من الشيطان وبإذن الله تصدر البطاقه وما يصير إلا كل خير وهذا رزقك من رب العالمين الله يبارك لك فيه

 

[محبة للجنه]

رد: استفسار بخصوص اعانة البهاق

الله يجزاك بالخير يالغاليه وربي يسمع منك والله يرزق الجميع ان شاءالله .

 

[حسن حسن]

رد: استفسار بخصوص اعانة البهاق

يعني الاعانه موجوووووده ولا تم ايقافها

 

[محبة للجنه]

رد: استفسار بخصوص اعانة البهاق

يا اختي نجمة مسافر ممكن اعرف ايش معنى جملة لاتوجد بينات لهذه المعطيات .
لاني البارح دخلت وستعلمت في موقع الوزاره كانت البينات موجوده وكامله وقبل ساعه استعلمت وكان مكتوب هالجمله اللي ذكرتها والجدول فاضي من اي بينات .
الظاهر والعلم عند الله انهم وقفوا الاعانه قبل لا يصرفونها .
اذا عندك فكره عن هالشي اللي صاير ردي علي الله يجزاكي الجنه .

 

[نجمة مسافر]

رد: استفسار بخصوص اعانة البهاق

عادي هذي تصير احياناً في صفحة الاستعلام إن المعلومات تختفي بس ترجع مره ثانيه لا تشيلين هم
صفحة استعلام التأهيل حالتها حاله أحياناً تختفي المعلومات فجأه وحتى التحديث يجلس فتره طويله
المفروض الوزاره ينتبهون لها مثل ما انتبهوا للضمان