تكفون ردوا...ابي اتعالج بمدينة سلطان

[غلا]

تكفون ابغى الطريقه كيف اراسل الصندوق الخيري ابي اتعالج في مدينة سلطان
وماذا يقدم هذا الصندوق?

تكففففففففون جاوبوني

 

[المتفائل]

رد: تكفون ردوا...

رد: تكفون ردوا...

[align=center]هلابك اختي غلا
قبل مراسلة الصندوق الخيري
تحتاجين لحجز واخذ موعد لمقابلة الدكتور
سواء عن طريق ذهابك للمستشفى
او الاتصال على المدينة
بعد ماتروحين للموعد طبعا
حياخذوا منك 150 ريال قيمة الكشف
ويكشف على حالتك
الدكتور يقرر هل تحتاجين الى تنويم ام لا
بعدما يكتب التقرير تاخذينه وتقدمين نسخه منه
على ادارة الصندوق الخيري وتقولين ابي اتعالج
على حساب الصندوق
فيه اجراءات حيقولوا لك عليها
اذا اكتملت ووافقوا خلاص تنتظرين موعد التنويم
الصندوق يتكفل بقيمة علاجك
مع اقامتك واقامة مرافق اذا لزمك مرافق
وايضا التكفل بالثلاث وجبات
اتمنى لك الشفاء اختي

[/align]

 

[فارس بدر]

رد: تكفون ردوا...ابي اتعالج بمدينة سلطان

موفق

 

[محمد العمري]

رد: تكفون ردوا...ابي اتعالج بمدينة سلطان

موفق

السلام عليكم اختي العزيزة غلا انا حاليا متواجد بمدينة سلطان بن عبدالعزيز للخدمات اﻹنسانية بالرياض أختصر عليك الموضوع حاولي اي قريب اي شخص يجيب لك امر علاج وتراه شي روتيني ﻷنه لو على حسابك الشهر بخمسين الى ستين الف ريال تجين هنا تقدمين تقارير واثبات انك معاقة يعني تحتاجين تأهيل والله يفرجها عليك من حيث لاتعلمين ويرزقك من حيث لاتحتسبين انشاء الله من امير من مسؤل والله قالها لي استشاري التأهيل هنا بالمدينة يقول جب امر بدخول المدينة يعني العلاج يقول هذا شي روتيني وبإذن الواحد اﻷحد تتحسنين وتشوفين الفرق قريب وبرضه كمان حاولي اي قريب لك ابوك أخوك يرسل برقيه يطلب فيها مقابلة التويجري الي بالديوان الملكي والله العظيم كذا واحد جالهم مية الف وامر علاج خارجي ورقم البرقيات من اﻹتصالات السعودية 969 تتصلين على الرقم هذا بيرد عليك موظف تقراين عليه المعروض وتقولين في المعروض أرقام هويتك والجوال وبيجيك رسالة على الجوال انه تم استقبال طلبك برقم وتاريخ وبيجيك يعني رقم تتابعين عليه المعامله ولوالله وفقك واحدقرايبك دخل عليه وشرح له الموضوع فابشري بالخير ولكن لاتطلبين في البرقيه انا معاقه وانا وانا وانا ومدري ايش الكلام هذا ما ينفعك لكن اذا صارت الموافقه بيتصلون عليكم ويعطونكم موعد دخول هذا اللي الله قدرني عليه واسف على اﻹطالة واتمنا لك التوفيق