اشعارات

تقديم ع وظائف سعوده للنساء

ه

هدى المطيري

عضو مجتهد
السلام عليكم ورحمة الله وبركاته
سبق و راسلوني كثير من خواتي عضوات الشبكة ع الخاص
يبغون وظايف سعوده. و وعدتهم او ما اسمع بتقديم رح ابلغهم
و اليوم وصلني خبر فيه تقديم ع وظائف سعوده للنساء من ذوي الاحتياجات الخاصة
و طبعا الاولوية لبنات الرياض . لكن التقديم للكل سواء من الرياض او خارج الرياض
من النساء من ذوي الاحتياجات الخاصة

طبعا اللي تبغى تقدم تراسلني خاص عشان تتواصل مع المسؤول

و بالنسبة للرواتب او اي استفسار اخر فيكم تستفسرو منه شخصيا .

و انا سبق و قلتلكم خواتي انا مجرد وسيط و كل اللي ابغاه منكم الدعاء

و نصيحة مني لكم اذا الرواتب اكثر من 1000 وافقو و هذا افضل من لا شي

و خصوصا للي قطعو اعاناتهم .

ادري بتقولون احنا عن 4 موظفين و غيره و غيره لكن وش استفدنا من ذا الكلام لما

وقفو الاعانات !

ع العموم هذي مجرد نصيحة مني لكم و انتم مخيرين. خواتي اذا عجبكم الراتب وافقو و ا

و اذا ما عجبكم ارفضو .

و بالتوفيق للجميع
 
رد: تقديم ع وظائف سعوده للنساء

الله يعطيك العافية، والله يسهل امور الجميع.
 
رد: تقديم ع وظائف سعوده للنساء

اكثر من الف يوافقون؟؟؟؟؟هذي خيانه حقيقيه للبلد واكل سحت لرواتب اربع شباب انرمو بشارع عشان معاق واحد يتوظف بالف؟؟؟؟؟قسمة ظلم والمفروض وزارة العمل يكون لها كلمه عشان هذي المهزله تنتهي وراتب اقل من سته الاف مايمشي عقده ...بلاهم
 
رد: تقديم ع وظائف سعوده للنساء

سعوديه كوول قال:
اكثر من الف يوافقون؟؟؟؟؟هذي خيانه حقيقيه للبلد واكل سحت لرواتب اربع شباب انرمو بشارع عشان معاق واحد يتوظف بالف؟؟؟؟؟قسمة ظلم والمفروض وزارة العمل يكون لها كلمه عشان هذي المهزله تنتهي وراتب اقل من سته الاف مايمشي عقده ...بلاهم
اضغط للتوسيع...

هههههههه
سلمينا ع وزارة العمل حبيبتي
هم ما انصفونا قبل ما تنقطع اعاناتنا و لا عطونا حقوقنا
بالعكس لما قطعو الاعانات اجبرونا نرضى بالقليل
و اذا لقيتي العقود اللي ب 3000 ريال مو 6000 ريال
مارح اكون طماعة و انا اختك
دلينا عليها الله يوفقك و يجزاك خير
و الله يا اختي وما لك علي يمين اني مسجلة اختي فيها
الف او الف و خمس مية افضل من لا شي بعد ما قطعوا اعانتها لان اعاقتها بسيطة
و المشكلة الشركات مو راضيه توظفها بسبب شهاداتها العالية و الخبرات اللي عندها
يقولون كذا لازم ندفع لك راتب كبير.
 
رد: تقديم ع وظائف سعوده للنساء

والله يا استاذه هذا مبدا مو عدل ابدا ارمي ثلاث شباب بشارع عشان اخذ الف وخمس ولا الفين هذا ظلم الله مايرضى فيه وكلنا لازم نوقف ضد جشع الشركات ...وكلنا بذمة ورقبة وزارة العمل الي ماحمتنا ولا حمت الشباب المرمين بشارع المفروض مش كل معاق يعتبر عن اربعه والمفروض المعاق صاحب الشهادة الجامعيه فقط هو من يستحق هذي الميزه والمفروض اشياء كثيره .....والواقع يحزن ....وتري مافصلو الاعانه الا عن الي رواتبهم فوووق الاربعه ....واقلك شي يحزززن كمان تري ماتوظفت بالجامعه توظفت بثانويه هههههه بس مديري رجل فاضل محترم جنتل ذكي وانا احب الي يحترم عقلي ويقدرني فالحمدلله مرتاحه ...ولو حبيت دوري بشركات الاجنبيه مايكونون ربعناماسكين شي فيها راح تلاقين كل الاحترام والتعامل الذكي والرواتب بوقتها وكل امورك جميله....لادورين على شركات مدراها مايخافون الله جشعين وبشعين....
 
رد: تقديم ع وظائف سعوده للنساء

وعليكم السلام ولاحمة الله وبركاته

الله يجزاك خير ويعطيك العافية

كلً ورزقه إللي مكتوب له .. فيه من يرضى

وفيه من يرفض .. لكن شيء أحسن من لاشيء.

بالتوفيق للجميع والله يرزقكم من فضله العظيم ويبارك لكم فيه.
 
رد: تقديم ع وظائف سعوده للنساء

سعوديه كوول قال:
والله يا استاذه هذا مبدا مو عدل ابدا ارمي ثلاث شباب بشارع عشان اخذ الف وخمس ولا الفين هذا ظلم الله مايرضى فيه وكلنا لازم نوقف ضد جشع الشركات ...وكلنا بذمة ورقبة وزارة العمل الي ماحمتنا ولا حمت الشباب المرمين بشارع المفروض مش كل معاق يعتبر عن اربعه والمفروض المعاق صاحب الشهادة الجامعيه فقط هو من يستحق هذي الميزه والمفروض اشياء كثيره .....والواقع يحزن ....وتري مافصلو الاعانه الا عن الي رواتبهم فوووق الاربعه ....واقلك شي يحزززن كمان تري ماتوظفت بالجامعه توظفت بثانويه هههههه بس مديري رجل فاضل محترم جنتل ذكي وانا احب الي يحترم عقلي ويقدرني فالحمدلله مرتاحه ...ولو حبيت دوري بشركات الاجنبيه مايكونون ربعناماسكين شي فيها راح تلاقين كل الاحترام والتعامل الذكي والرواتب بوقتها وكل امورك جميله....لادورين على شركات مدراها مايخافون الله جشعين وبشعين....
اضغط للتوسيع...

عندي نقطة أخالفك فيهاا :

عجبي كيف تناقضي نفسك ..

كتبتِ أنه ظلم وأنه ليه هالراتب وأنكِ رحمتِ الموظفين الثلاثة اللي أنطردواا بالشارع

علشان يتوظف هذاا المعاق !!

ثم كتبتِ :

المفروض المعاق صاحب الشهادة الجامعيه فقط هو من يستحق هذي الميزه !!

طيب فيه كثير من المعاقين مو قادرين يكملواا دراستهم بسبب نوع وشدة الأعاقة

فهل بعد يتم سلب حقه في وظيفة تشمله عن أربعة أصحاء ؟!!

فلاااا أعانة ولااا شمولية ؟!!

لااا تأخذكِ الحمية والحماس وتصبي كل طاقتك وتفكيرك بجهة

دون أن تنتبهي أنكِ أسقطتِ باقي الجهات وألغيتِ مكانتهم ووجودهم.

فإن كان أمر سامي .. فالشكوى لله .. أماا أن يكون هذاا الكلام قد خرج من واحد منناا وفيناا

فلا حول ولاقوة إلا بالله.
 
رد: تقديم ع وظائف سعوده للنساء

ياعزيزتي الوظيفه لشخص الي يستطيع العمل اهلا وسهلا ومن ابسط حقوقه لكن الي مايستطيع هذا امر الله ...يعني انتي متوظفه بالابتدائي وانا بالجامعه كلنا وااااحد مو حرااام ...اجل تعبت وعافرت عشان بالاخير اتوظف حالي حال واحد ماعنده شهاده؟؟؟مو عدل ولاحل المفروض يرفعون الاعانه لثلاثه الاف ونص بشهر والي مايقدر يداوم مايقبلونه بوزارة العمل وتكون الاعانه كافيه نوعا ما ...والشركات توظف شباب اصحاء وظايف ورواتب حقيقيه تقلل العماله والبطاله وتوفر فرص عمل والمعاق ينصرفله ثلاث الاف ونص ياكلها حلال زلال على قلبه مو افضل....ويكون المعاق الجامعي عن اربعه عشانه قادر على العمل وعشان تقبل توظيفه الشركات براتب محترم ...ولو صار هشي بيصير المعاق عنده طموح يكمل دراسته الجامعيه وهو كله ثقه ان الف شركه بتوظفه ....مافيه تناقض بكلامي لان المعاقين الجامعيين اعدادهم قليله وبكذا يصير مافيه تلاعب كثيربوظايف السعوده الوهميه...
 
رد: تقديم ع وظائف سعوده للنساء

تقولين انا جامعيه مااخذ اقل من ستةالاف يقلك الله معك انقلعي انتي وشهادتك ودوراتك اجيب وحده بالابتدائي بالف وانتي يالله قضبي الباب وبروزي شهادتك ودوراتك ....اسالك بالله هذا عدل؟؟؟لكن لو كان كل المعاقين الي تحت ميزه عن اربعه كلهم جامعيين كان مافيه راتب اقل من ثمانيه ...
 
رد: تقديم ع وظائف سعوده للنساء

سعوديه كوول قال:
ياعزيزتي الوظيفه لشخص الي يستطيع العمل اهلا وسهلا ومن ابسط حقوقه لكن الي مايستطيع هذا امر الله ...يعني انتي متوظفه بالابتدائي وانا بالجامعه كلنا وااااحد مو حرااام ...اجل تعبت وعافرت عشان بالاخير اتوظف حالي حال واحد ماعنده شهاده؟؟؟مو عدل ولاحل المفروض يرفعون الاعانه لثلاثه الاف ونص بشهر والي مايقدر يداوم مايقبلونه بوزارة العمل وتكون الاعانه كافيه نوعا ما ...والشركات توظف شباب اصحاء وظايف ورواتب حقيقيه تقلل العماله والبطاله وتوفر فرص عمل والمعاق ينصرفله ثلاث الاف ونص ياكلها حلال زلال على قلبه مو افضل....ويكون المعاق الجامعي عن اربعه عشانه قادر على العمل وعشان تقبل توظيفه الشركات براتب محترم ...ولو صار هشي بيصير المعاق عنده طموح يكمل دراسته الجامعيه وهو كله ثقه ان الف شركه بتوظفه ....مافيه تناقض بكلامي لان المعاقين الجامعيين اعدادهم قليله وبكذا يصير مافيه تلاعب كثيربوظايف السعوده الوهميه...
اضغط للتوسيع...

سبحان الله يعني جاك معاق حصلت له وظيفة وقال والله مابي أتوظف

عاجبني وضعي كذاا لااا دراسة ولااا وظيفة وأكون عالة على غيري ؟!!

وبماا أنك جامعية فالمطلوب مثلاً من كل معاق أنه يكمل دراسته بالغصب والطيب عن أعاقته وظروفه ؟

فإذاا الله أراد لك أكمال دراستك الجامعية ففيه غيرك إللي مو قادر يكمل الأبتدائية.

وفيه من كمل المتوسطة وفيه من كمل الثانوية .. يعني هي درجات للأستطاعة

درجات لبسط الحياة أمام أعاقته .. فيه مو قادر حتى يشتري دفتر لواجب الرياضيات

وفيه مو قادر يلقى وسيلة مواصلات تشيل له كرسيه.

وفيه وفيه وفيه .. لذلك قولي الحمدلله.

هذاا أولاً .. ثانياً : إذاا الدعوة أن هذاا المعاق مكمل الجامعة ومطلوب يكون إللي تشملة الشمولية فقط

فيااا قلبي شوو الفرق بينه وبين السليم .. مو برضوه فيه فئات خلصواا الجامعة ومالقواا وظايف

وفيه من معه أبتدائي ومرتاح بالوظيفة.

الحكاية حكاية مستفيد من ذوي الأحتياجات الخاصة بغض النظر عن أكماله لدراسته أو لااا .

هو محتاج لرعاية ومحتاج لأعانة ومحتاج يكون من ضمن المشمولين ليقدر يتوظف ويكون أسرة ويعيلهم.

وإذاا الدعوة وقفت أناا أحق منك ومنه ومن هذااك فعلى الدنيااا السلام .. لإننا في مركب واحد.

وإللي يسيء لهذااا أكيد بيسيء لي.. من منطلق أحب لأخيك ما تحب لنفسك.
 
رد: تقديم ع وظائف سعوده للنساء

يالله صباح خير ...ياعزيزتي افهمي افهمي انا مو ضد احد بس هذا نظام دوله الموضوع اكبر من تعاطف مع معاق ..الموضوع شباب مرميين بشارع وشركات جشعه ومعاق ماشبعوه ....كلهم خسرانين والرابح الوحيدالشركات موقفها نظامي ومو دافعه ...يختي اقلها يطلب راتب اربع بنجاليه يعني سته سبعه اقل شي ....لو براتب يحميه ويقضي حاجاته ماقلت شي لكن الفين ايش تسويله لو تعطيه الحكومه كاعانه افضل مليون مره من موظف كذبي ...ياعزيزتي ااكدلك واجزملك انوالوضع ماراح يتغير ولا راح نطور ولا من الاساس احد يفهم ويسمع ويعرف ايش الصالح للمعاق ولمجتمعه ولكن الشكوى لله ...وتري خذي ببالك باني اقترحت اعانه قويه تجيه لحده بس الوظيفه طالما مو قادر يتركها للقادرين الي بشوارع ..ولو طلب راتب قوي يسكت ضميره باخذ مكان اربعه اكفاء ماكان قلت شي لكن على الفين وثلاثه مش منطق
 
رد: تقديم ع وظائف سعوده للنساء

سعوديه كوول قال:
يالله صباح خير ...ياعزيزتي افهمي افهمي انا مو ضد احد بس هذا نظام دوله الموضوع اكبر من تعاطف مع معاق ..الموضوع شباب مرميين بشارع وشركات جشعه ومعاق ماشبعوه ....كلهم خسرانين والرابح الوحيدالشركات موقفها نظامي ومو دافعه ...يختي اقلها يطلب راتب اربع بنجاليه يعني سته سبعه اقل شي ....لو براتب يحميه ويقضي حاجاته ماقلت شي لكن الفين ايش تسويله لو تعطيه الحكومه كاعانه افضل مليون مره من موظف كذبي ...ياعزيزتي ااكدلك واجزملك انوالوضع ماراح يتغير ولا راح نطور ولا من الاساس احد يفهم ويسمع ويعرف ايش الصالح للمعاق ولمجتمعه ولكن الشكوى لله ...وتري خذي ببالك باني اقترحت اعانه قويه تجيه لحده بس الوظيفه طالما مو قادر يتركها للقادرين الي بشوارع ..ولو طلب راتب قوي يسكت ضميره باخذ مكان اربعه اكفاء ماكان قلت شي لكن على الفين وثلاثه مش منطق
اضغط للتوسيع...

بالأول عزيزتي يقولواا الملافظ سعد
وجملة يا صباح خير .. صفة تأفف وضيق خلق

ثانياً : أتمنى يكون فعلاً صباح خير ويكفيناا الله شر
كل من فيه شر.. وأن يغنيناا بفضله عمن سواه.

قلتِ : انا مو ضد احد بس هذا نظام دوله
الموضوع اكبر من تعاطف مع معاق

كيف نسبتِ كلامك لنظام الدولة ؟
هل مثلاً كنتِ تكتبي مشاركتك من أمام طاولة كرسيك في مجلس الشورى؟
أم كان أمام كرسيك يافطة - أو مابعرف شوو أسمهاا الصحيح-
مكتوب فيهاا أسمك وتحته مستشارة الملك؟!!

من أحدث هذاا النظام هو أنتِ تحت شعار - المفروض -
عزيزتي ما همني شوو هو المفروض أو الغير مفروض

ولو بمشي على مفروضك وغير مفروض
كان ما شفتِ العدد الهائل في أقسام التأهيل
والضمان والأجتماعي والمساعدات وأوامر العلاج وو وو

كمية مو بسيطة تشكي الحال وتغيره ..
تطلب وتستفسر وترجوو
خايفة وقلقة ومتوترة

إذاا كان مفروضك مغنيهم ما حسيتِ ببكائهم ووجلهم

لذلك أحكي لك أن أساس نقاشي معك هو مدى وضوح تكبرك
على أخوانك وخواتك
على أنه ليه يمثالوني وأناا أعلى منهم وأنشط منهم وأقوى منهم

أجلسي مع نفسك وتخيليهاا أنك وحده منهن أو منهم

مو قادرة تكملي تعليمك لإن نسبة الذكاء أقل من المطلوب
مو قادرة تشتري لوازم المدرسة لإن أبوك ماعنده دخل يعينه
ليعينك

مو قادرة تلاقي مدرسة مؤهلة سكنياً لتكوني من طالباتهاا
ثم تسمعي عن التأهيل وتقدمي أوراقك
ثم يقبلونك ويعطونك الخدمات والشمولية
يعني عارفين أنك مو قادرة على الوظيفة
فتم الأتفاق مع وزارة العمل بتوظيفك عن أربعة موظفين أصحاء.

فتجي وحده مثلك يا إللي مصنفة مثلهاا أنهاا من ذوي الأحتياجات الخاصة
وتقول على أي أساس توظفونهاا مثلي وتعطونهاا راتب مثل راتبي؟

أناا أفضل منهاا دراسياً وجسمانياً وخلوها ببيتهاا وأعطوهاا
ثلاثة آلاف .. وفوق كل هذاا تعايرينهاا أنه ما يحق لهاا الوظيفة
لإنهاا معاقة وما تستاهل تكون في مصاف الجامعيين.

ونسيتِ أن الرازق فوق هو إللي سهل لهم رزقهم
وكمان نسيتِ أن الحاسد تحت.

على العموم أبشرك الحين الشركات صارت ملزمة توظف ذوي الأحتياجات الخاصة
عن بعد .. ويكون له ملف مثله مثل السليم
يعني بيشتغل ويكد مثلك يالجامعية.

أخيراً وليس آخر: الله لااا يحطناا تحت رحمتك.
أعتذر عن الرد مرة أخرى.

وأعتذر لأختي هدى المطيري .. ولكل من مر من هناا.
 
رد: تقديم ع وظائف سعوده للنساء

الحكايه تري مو لاني جامعيه ولا ادري كيف تفكرون هههههه وانا اكثر وحده حاسه بكل حاجات المعاقين لاني منهم ...بس اذا تتوقعين ان المعاق الجامعي كانت ظروفه وصحته يساعدونه فانتي غلطانه ...المعاق الجامعي عانا وذاق الامرين وسمع كلام يسم البدن وطاح وصام عن الاكل والشرب عشان لايحتاج دورة المياه ونحت بصخر بشكل حقيقي وفعلي ...وبالاخير ولاشي حتى اصحاب فئته يشوفونه غريب ويشوفون حقه وتعبه ولاشي سهره والمذاكره والنضال الي كان فيه طلع كانه يبلط البحر ..هذا المعاق الي يحتاج الشفقه مليوووون مره ...وتري ماتكلم عن نفسي انا الله عوضني انا اتكلم عن الجيل الي الان بكراسي الجامعه وكيف بيكون وضعهم...اتمنى يكون حظهم افضل ...والمعاق الغير قادر ماعنده شي قدمه يعني مو خسران شي سواء توظف او لا...هذا كل الي عندي ...واتمنى اختلاف الراي لايغسد للود قضيه بارك الله فيك ...
 
رد: تقديم ع وظائف سعوده للنساء

لو تكرمتي لا تمنشنين ...لان شكلك فاااضيه هههههههه ....وفقك الله ...
 
رد: تقديم ع وظائف سعوده للنساء

سعوديه كوول قال:
اكثر من الف يوافقون؟؟؟؟؟هذي خيانه حقيقيه للبلد واكل سحت لرواتب اربع شباب انرمو بشارع عشان معاق واحد يتوظف بالف؟؟؟؟؟قسمة ظلم والمفروض وزارة العمل يكون لها كلمه عشان هذي المهزله تنتهي وراتب اقل من سته الاف مايمشي عقده ...بلاهم
اضغط للتوسيع...

نسال الله السلامه اي خيانه تتكلمي عنها ؟
صاحب المؤسسه ماضرب المعاق ولا اجبره بالقوه يسجل عنده ؟
قال انا عندي راتب كذا وابي ذوي احتياجات خاصه الي يبي يسجل اهلا وسهلا والي مايبي الله يستر عليه
والمعاق من نفسه وبرضى الطرفين راح وسجل عنده
و الوزاره ما عطو المعاق هذي الميزه احتساب نطاقات حتى يقول ابي عقد 6 الاف او خلاص مابي اسجل ؟
ان ماسجلت فيها بيجي غيرك ويسجل لو الراتب 800 ريال او 1500 البشر اشكال و انواع وكلن له ظروفه الصعبه
ان كان يعطيك صاحب المؤسسه 1500 ريال او يعطيك 1200 ريال لاتنسي ان التامينات موقفه الدعم ؟؟ 1700 لكل راتب سعوده
يعني الحين انا صديقي مسجل سعوده ويستلم كل شهر 1200 ريال باقي 1700 التامينات مانزل له ثلاث شهور ؟؟ احسبي معي 1200راتب سعوده + 1700 تامينات = 2900
يعني 2900 مو حلوين وانت جالس والله حلوين وتغطي احتياجاتك وتغطي علاجاتك لو كان عندك علاجات ولو عندك سواق او شغاله تدفع رواتبهم بها
اما بالنسبه لكلامك الي يتوظف ب 1000 ريال واربع سعوديين اصحاء جالسين لا هذا مو صحيح كلامك
الاصحاء ما يفكرون بشي موفرته المؤؤسسات القائمه على السعوده برواتب مثل 2700 او 1500
فيه حراسات امنيه وعسكريه تقبلهم وفيه تمريض وطب وهندسه وقاضي ومحامي و مندوب وووو الخ كثيره الوظايف الي تشملهم
اتمنى لك ولكل مسلم التوفيق واتمنى انك تنظري في اربع زوايا ما تنظري بزاويه وحده فقط
انا الحين كل شي اسوي استعلم عن نطاقات وفيه واحد يقولي بسوي لك سعوده براتب 1500 ريال بس يرجعون لك نطاقات
قلت له اوكي بسجل عندك لو راتب 500 وانا محسوب عن 4
الظروف صعبه والعلاجات مانقدر نوفرها ف راتب سعوده احسن من لا شيئ
 
رد: تقديم ع وظائف سعوده للنساء

المشكله مو راضين تفهمون ...قلبتوها دراما...ياعزيزتي محد غاصب احد صحيح وهو عقد عمل مافيها كلام بس الي انا اقوله لوينصرف لكل معاق 3500ريال كل شهر يقضي فيهم ويشتري الي يبي ويعطي الشغاله راتبها وكل شي منها ومدام ترضون برواتب نازله من الشركات بالف والفين انا اقول ثلاثه ونص كل شهر وتنزلك بطريقه مرتبه وكل شهر بشهره ومن غير حركات الشركات مو افضل ؟؟؟وتصير ميزه المعاق عن اربعه للمعاقين القادرين على العمل ...لان بهذي الطريقه بعضنا اضر ببعض ومش كل المعاقين مش قادرين على العمل ...لان الحكومه ملزمه الشركات باعداد معينه من السعوديين بالغصب فمضطرين يعينون سعوديين فيجي يعين اثنين معاقين ويقلك خلاص عندي ثمانيه سعودين خلاص وضعي بسليم ويعطيهم المساكين من الفين الفين ويقول توكلو على الله ...في هذا الوضع فين الوظايف والموظفين السعودين لا احد طيب الشركه هذي مين الموظفين فيها كللللهم اجانب انتي ساعدتي بهطريقه برمي عيال بلدك براء مقابل الفين .....بعتيهم ....مقابل الفين ...طيب بتقولي مو شغلي اوكي طيب اطلبي راتب مثل الناس لا تعتبريه هبه ولاشي جالك وانتي جالسه لا هذا راتب وانتي جالسه تشتغلين شغل حقيقي وفعلي بنطاقات هذا شغلك اطلبي عليه راتب لا تقولين وانا جالسه يجيني راتب لالامو جالسه انتي تشتغلي ورافعه طاقات شركتهم السعوديه ....بس شغل الفين وثلاث ضريتو انفسكم وحتى نحنا كمعاقين ضريتونا ضرر كبيييييير كبييييير .....جلست سته سنوات من غير وظيفه عشان الراتب ونطرت عشان متخلف جايب اسم ولده الي ماخلص المتوسط ظلمني وظلم نفسه على شان رضي براتب ابو رفسه ....الله كبير وكرمه واسع سبحانه ...بس الغلط غلط والظلم ظلم ...نحنا نطالب بحقوقنا وبعضنا ماكل حق بعض مايصير ....بس يالله صفيها مع اخواتها جت على هشي بس خليه مع اخواته ودعي القافله تسير وعسى حظنا بالجنه اكبر وقدرنا عند الله اعلى ...
 
رد: تقديم ع وظائف سعوده للنساء

واخر شي بقوله لو نطالب برفع الاعانات 3500 ونرفض الوظايف برواتب هذي يمكن احد يسمع لنا ويكون حل مرضي للجميع ويكون الجميع اخذ فرصته وماظلمنا احد وحققنا السعوده بلبلد بطريقه سليمه وكنا موظفين منتجين مش حتى بوظايفنا معيقين لغيرنا ونجبر الشركات بتوظيف عيالنا برواتب محترمه ووظايف حقيقيه وننهض بلبلد بشكل راقي وسليم ...والمعاق الي يستطيع العمل يتكافاء براتب مغري لانه عن اربعه ويستاهل تعبه ومجهوده ويكون مثل للمعاقين الصغار يكملون دراسه ويكافحون ونكون معاقين منتجين ومتميزين مش بشكل الي عليه وظايفنا اليوم .....واخيرا والله ماحولك احد بس اقل شي اتركوني احلم وتفال وفضفض وتخيل كلامي لابيقدم ولا بياخر....بس اهوه كلام وسلام .....تحياتي للجميع....
 
رد: تقديم ع وظائف سعوده للنساء

اول شي وزارة العمل ماقدرت على هالشركات اللي تبينهم يعطون المعاق 3500 واكثر
ثانيا حنا نعيش الواقع المرير مو نتمنى نلقى شي اكبر
وعصفور باليد ولاحلم الراتب 3500 واكثر
كلن يبحث عن مصلحته وقليل دائم خير من كثير لم نراه
فيه من اخواننا من يحتاج لو 1000 سعوده ومالقاها
انا الحمدلله جامعي وموظف حكومي ولااتكلم عن نفسي
ولكن الواقع اللي عشته مع اخواني وكنت مسئول عن توظيفهم بالشركة اللي كنت فيها
انا مااقول ان التعاون والكلمه الوحده حلوه لرفع وزياده كل شي يخصنا
ولكن اذا كان بشي نراه بأعيننا انه راح يفيد
الشركات عندهم من الواسطات مايكفي لرفع العقوبات عنهم
وانا شفت بعيني له فايده فيك يوظفك حتى لو انت موظف حكومي
وانت يالمعاق تجي تبي وظيفه تبي بالقليل حياك ماتبي غيرك كثير
وهو صادق الناس تختلف ظروفها
لكن الحياة فانيه عيش مستور حتى لو بالقليل حتى يأتي الكثير
شفت النقاش تطور كثيرا
واحببت ابدي وجهة نظري
قد تعجب البعض ولاتروق للاخر
 
يجب تسجيل الدخول أو التسجيل كي تتمكن من الرد هنا.

عودة
أعلى