: 2
: 30
تويت
دايم اضحك والناس تقول فرحان
وانا من داخلي اصرخ وابي من يحس فيني
ودي اتكلم واشكي واقول تعبان
لكن اخاف من قول مسكين عني
واسكت واحاول كل شي فيني مايبان
والآقي دمع عيني تنزل وتفضحني
ويجيني سؤال اشفيك يافلان
واجاوب مافيني شي وامسح الدمع من عيني
ويناظر بعيني ويقول ليه حزنان
واحاول اغير الموضوع واكتم كل شي فيني
احسه يحاول ينسيني ويذكرني بذاك الزمان
يوم كنا صغار والضحك من قلب مايفارقني
وضليت ساكت وصرخ فيني ليش زعلان
قلت تكفى اتركني إلا فيني يكفيني
قال مااتركك لين اعرف سبب هالاحزان
خنقتني العبره وسبقتني دموع عيني
قرب جنبي وضمني وحسيت بآمان
وهمس بأذني تكلم لاتخبي شي عني
تكلم انا كاتم اسرارك انا وانت مثل اخوان
بكيت بصدره لين حرق الدمع رمش عيني
ولما سكت مسح دمعي وسئلني اشفيك تعبان
قطعت قلبي وانت ساكت ارجوك جاوبني
قلت له احس انه لي بس صديقان
حزن وجرح ويدهم في يديني
ودمعي تجري فوق الاوجان
واحس اني مخنوق واقول الموت جاني
ابي كلمه تطرد عن عيني الاحزان
ابكي وكل من شافني بكى من قسوة زماني
واعود اضحك وكن اللي جرى ماكان
واعيش باامل ترد لي فرحةً غابت عن سنيني
ترى ذي حالتي ولاتسألني ثاني اشفيك تعبان
اســأل دمعتي وتحكي لك حالتي في ثواني
وسلامتكم مـنـقووووووووووووووول
تعليق