رد: ذكريات جميله حروفها صدى مؤسسة المشلولين

ايه عادي اهم شي لا يرووح الموضوع
ترى اكثر اللي سجلوا من المؤسسسة عشان هذا الموضوع

رد: ذكريات جميله حروفها صدى مؤسسة المشلولين

ايه اكيد من يوم يومنا وحنا فله حسيت نفسي فريال في باب الحاره المهم...........
بس مشاعل كانت تدعم الموقف هههههههههه هيئة الامم المتحده الله من الخبال.....
الله من الذرابه والسناعه من يوم يومك سنعه
لالا بس خلوه ذكريات مع ملعقتين صغار تعليق
اقول ملعقتين صغار موووو كاسين ىكبار ترى الطبخه تخرب

رد: ذكريات جميله حروفها صدى مؤسسة المشلولين

الله يديم عليكم الاناسه
واكتبو ماتبون تكتبونه
البيت بيتكم واللي يبي شئ مني فيه قسم الشكاوي والاقتراحات محد يشوفه الا الله ثم انا وصاحب الشكوى او الاستفسار لان هالقسم من العضو للمشرف العام بس
اكتبولي هناك اللي ييبي ايميل احد وتصبحون على طقاقات سلام عليكم

طقاقات = افراح

رد: ذكريات جميله حروفها صدى مؤسسة المشلولين

وااااو
لا لا لا مو مصدقه اللي اشوفه !!!!
معليه اخوي فالح الهاجري ,, اسمح لي ارفع هالموضوع ,,
ولله تشجعت اسجل بس عشان ,, ارد هنا !!

بصراحه من شفته وانا مو مستوعبه ,,
كانت امي دايما تقولي وش عندك قدام هالشاشه ,,
وتجي تجلس بجنبي ,,
وافتح لها بهالمواقع ,, شي طبي وشي ديني وشي ديكور و و و
واقولها يمه النت فيه كل شي ,, اللي يخطر على بالك ,, واللي مايخطر ,,
بس عاد اني الاقي فيه طفولتي !!!
هذا اللي والله مافي امل يخطر على بالي ,,
وانا اقرا ذكرياتكم ,, حسيت ان الزمن ماتحرك ,,
ولما شفت الصوره ,, حسيت اني امس شايفتكم ,,
سميت بعضكم قبل ما اقرا الاسامي ,,
يوووووه ياسرع الوقت ولا كنه مر ,, ولا كنه اخذ منا عمر ,,
الله يهديك يالامل ليه ماقلتي لي عن هالموضوع !!
شاطره بس كل ماجمعتنا السوالف حش في خلق الله ,,

آمال ,, الظاهر اني عرفتك ,,
صحيح انك ماطولتي في فترتي "بس سنه"
بس ولله دايماً تجين على بالي ,,
وودي اعرف اخبارك ,, يمكن عشان بطه كانت صديقه مشتركه ,,
او لاني كنت احبك ,, بس استحي منك ؛)

محمد الرويلي ,, دايما يجي في بالي ,,
لاني اتذكر مره كنا نلعب بالحديقه ,,
وكان مسوي عمليه وفيه جبس ,,
( مادري في الرجل ولا في الظهر ناسيه بالضبط ) ,,
بس مع اللعب والحماس والتفحيط بالعربيات ,, اتذكر اني سحبته وطااااااح ,,!!
وتروعت يومها ترويعه اوووف !!!
لليوم وانا كل ماذكرت الموقف اسكر عيوني "ليه ,, مادري !!"
محمد ,, عسى ماتعورت ؟؟!!

يووووووه ياكثر الذكريات اللي جت في بالي ,,
ولو بجلس اتذكر مارح اخلص ,,
يلا تعالو رجعوني معكم ,, لاتخلوني بالحالي <-- هذا ذنب اللي يجي متأخر !!!


ابلا مشاعل ,,
يخوني الكلام ما اقدر اجمعه ,, ويتعبني الشعور ما اقدر اوصفه ,,
احساسي فيها اكبر من كل شي ,,
ماهي مجرد انسانه مرت في حياتي واثرت فيها وبس ,,

انا اعتبرها " رمــز " من الرموز اللي لايمكن يجود الزمن بمثلها ثاني ,,
واحمد ربي اني جيت في وقت كانت " مشاعل " فيه ,,

رد: ذكريات جميله حروفها صدى مؤسسة المشلولين

يا هلا بك اختي والله يحييك
يالله ما تتصورين فرحتي بدخولك وبالعباره ذي بالذات
ومن راودتني فكرة كتابة ذكرياتي بالمؤسسه من اول ما سجلت بالمنتدى قلت يا بنت محد حولك
بس لما تبلورت الفكره قلت مبدهاش اسدحي الموضوع والي يصير يصير
يارب لك الحمد صار له صدى غير متوقع وكل يوم اشوف اعضاء مسجلين بسبب هالموضوع
من بنات واولاد وحتى مديرتنا قصدي امي مشاعل السديري حبت هالذكريات وارسلت مسجات sms
للي عندها بالجوال.............
يوووه حسيت اني داخل المؤسسه بهذا الشعور الي لايوصف...........
اختي هذي انا
ترى الي الان ما عرفتك بس ملمحه عليك هههههههه
ههههههههه اجل ما كان لها عشرين سنه ....... الله من الفضيحه ما عليك كلنا بالهواء سواء

ههههههههه والله ما بقي احد اعرفه الا قلت له عن الموضوع حتي الي معي في المدرسه قرو الموضوع.......... يمكن الارسال كان ضعيف لحضة وصول الخبر ههههههه

يمكن ايام الملز كنتي خارجي وهي داخلي ...........صح او انا غلطانه
يوووووه وين بطه ياليت تسجل ارسلي لها دعوه
اما تستحين منها كثري ........


لالا الضعيف مسوي عمليه في ظهره والجبس تقل درع حمايه ذاتيه
اما تفحيطنا بالعربيات حدث ولا حرج
يا اني كنت حاقده على الي يمنعني من العربيه لان من ضمن القوانين الي يمشي على العكاز ممنوع يركب عربيه وكنت شغاله في تخريب الجهاز اكبر مجرمه في حق الجهاز
يوووه وناسه الاسبوع الي اركب في عربيه عشان نزول هالحديقه وهالتفحيط


لا تخافين انا اجسرك انتي بس عطينا طرف خيط من اي ذكريات تمر عليك وحنا نسوي الوااجب
فعلا اختي الكلام في حقها مهما كتبتي قليل لاكن الدعاء موصول لها في كل لحضه
وما وصلنا اليه من تعليم وتاهيل واهم شي ثقه في النفس يعود لله ثم لجهودها المتواصه التي لاتبخل على احد فيها حقا استطاعت ان تحفر معنى الامومه لكل من احتضنته مؤسسة رعاية الاطفال المشلولين الله يبارك لها فيما اعطاها ويثيبها

رد: ذكريات جميله حروفها صدى مؤسسة المشلولين

اهلين يا هـــــــــــــــــــــــــــذا انا

ياليت اتواصل معك بما انك من المؤسسه لاني ابي اكلم بنات من المؤسسه ونصهم متغلين حتى ايميل مو راضين يعطوني

على العموم ايميلي تحت اذا تحبين تتواصلين


تحياتي ;)

رد: ذكريات جميله حروفها صدى مؤسسة المشلولين

لا اختي والله السالفه ان الماسنجر كان عطلان
يالله سويت لك اضافه اقبلي

رد: ذكريات جميله حروفها صدى مؤسسة المشلولين

/

يووه تدرون اني كل فتره أجيّ أشيك ع ذكرياتكم وأطلع ;)

هذيّ أنــا :p

تعاقبتي يومها ولالا اعترفيّ ..:D

من جد النت الحين صار وسيله كل يوم ننصدم بشي فيّهاا ..

تدرين اني مرآ تعرفت ع وحده بالنت واكتشفنا مع السوالف اننا نعرف بعض:D

النت صار عالم صغير والكل يدخله الحيّن ;)

آمال اصلح لكِ أنا اضافه ينفع :p

،

رد: ذكريات جميله حروفها صدى مؤسسة المشلولين

لالالا حبيبتي حتى وان لم يكن لكي ذكريات في تلك المؤسسه لازم تسدحين مشاركه

محمد الرويلي كان حبوب ما اظن انه اشتكاها
يمكن وحده من الفلبينيات قالت( او ما يقدنس........ ليه فيه سوي كذا )

رد: ذكريات جميله حروفها صدى مؤسسة المشلولين

فووووووووووووووق هام السحب

رد: ذكريات جميله حروفها صدى مؤسسة المشلولين

تدرون وش جلي في بالي من الذكريات
اجمع اكبر شي من الصور ...........
بس ياليت ابلا مشاعل تدخل وتنزل شي من الصور اللي تحتفظ فيها
الله يقومك بالسلامه وماتشوفين شر......

رد: ذكريات جميله حروفها صدى مؤسسة المشلولين

ي والله اختي الامل المتجدد

اذا عندك ياليت تنزليها نشوووفها

رد: ذكريات جميله حروفها صدى مؤسسة المشلولين

اول ما تتوفر راح انزلها
بس حبيت اسال ان كنت في المؤسسه

رد: ذكريات جميله حروفها صدى مؤسسة المشلولين

نعم انا كنت الدرس في المؤسسة

درسة في الملز وفي عليشه

رد: ذكريات جميله حروفها صدى مؤسسة المشلولين

ذاكرتي ما اسعفتني اتذكر هالاسم