رد: ذكريات جميله حروفها صدى مؤسسة المشلولين

لا والله ما ازيدك قهر انا من ذاك اليوم وانا ودي بصوره
بس اذا لقيتها ابنزلها في المنتدى يمكن تعرفيني

رد: ذكريات جميله حروفها صدى مؤسسة المشلولين

هي بس زيارة الامير سلطان بن سلمان


اذكر حتى الاميره ساره كانت تزورنا...،،

رد: ذكريات جميله حروفها صدى مؤسسة المشلولين

الا على فكرة تذكرون يوم يجينا التلفزيون السعودي
ويعملون لنا مقابلة وتصوير علشان يعرضونه ايام العيد

والله اننا كشخنا كشخه مابعدها كشخه وزينه ..
كانت المذيعه // ماما دنيا // :) عملت لنا مقابلة كلنا
واعطتنا هدايا .. هدايا راقية مو من حقت بو ريالين
بس عاد بعد ماخلصنا تصوير بالهدايا
وراحو قروب التلفزيون اخذو منا الهدايا وقالو بنعطيكم الهدايا بعدين :( :(

الشي المضحك في الحوار اللي اجراه معانا التلفزيون
انهم يسئلونا عن الدراسة وهل منهاجنا مثل مناهج المدارس الاخرى والا ..!!!

الحين الناس عيد والا دراسة ههههههههههههههه

رد: ذكريات جميله حروفها صدى مؤسسة المشلولين

والله على ذيك الايام وربشتهم
الغرف تتعطر
ومكان السفره يتمسح الف مره
والاسياب وماادراك ما الاسياب
حتى البنات يقولون لهم ولا وحد تجلس في الاسياب ادخلو النادي( لايروح فكركم بعيد تر ى النادي عباره عن غرفه كبيره فيها تلفزيزن وفديو بالتهريب)

رد: ذكريات جميله حروفها صدى مؤسسة المشلولين


اما ذاك التصوير
ومقابلتهم والله تضحك
كانت وحده اسمها اريج ابانمي واخوها عبد المحسن ابانمي وجواهر واخوها فيصل من التلفزيزن
وسوينى فريقين
على لعبة مسابقة اختبر معلوماتك
على كمبيوتر ضخر) كان محمد جازي المطيري اهو الي يقول الاسئله ومشاعل السديري تغششنا من ورى التصوير
ويوم وزعو الهدايا وانتهى التصوير

على قولتك
خذومنا الهدايا
ويومها تهاوشت مع المصريه ورقيه وفايزه

رد: ذكريات جميله حروفها صدى مؤسسة المشلولين


*

*



أقرا الذكريّات وخاشــه جو معاكم .. :D

حلوه هالذكريّات ببرائتها وجمالهاا ..

وأيامها الحلوه ..

للحيّن المؤسسه تعاملها هيّك مع الطالبات كويـس ..!!

الامل وين الي وعدتيّني:(..!!

.

رد: ذكريات جميله حروفها صدى مؤسسة المشلولين

ههههههه
وينك يا اهه وصمت وينك يا الحياة
والله لا كان فيه كويس ولا هم يحزنزن
بس حنا نذكر الاجوانب الجميله ولا وش رايكم

انا حسيت ان حنا دخانا العسكريه قبل وقتنا
الاكل في وقت
النوم في وقت
حتى التروش له وقت
كلش له وقت
والله انهم مأثرين علي الي اللحين منظمه في كل اموري يمكن تكون هذي ميزه كويسه
بس وقتها كان شئ ثاني

رد: ذكريات جميله حروفها صدى مؤسسة المشلولين

تذكرين // الامل المتجدد //
يوم انهم يبتدون يعلومنا على المسؤولية الصح
قامو سوو مجموعات ..
كل بنت كبيره شوي يعني عمرها من 14 وفوق تكون مسؤوله عن كم بنت
تهتم فيهم ، تذاكر لهم ، تساعدهم في الاستحمام ،
وكان في جدول كل يوم بنتين يطبخون العشا ..
اففف ماكنت اكره والى الان اكره شي اسمه تقطيع البصل

بس الحمدلله رحمة من ربي ذيك الايام مافي هالتفنن في الطبخات
يعني كل اللي نطبخه فول والا بيض والا صامولي بالجبن والسلام
يعني اشياء بسيطه

بس عاد كنا امهات سنعات

رد: ذكريات جميله حروفها صدى مؤسسة المشلولين

ههههههههههههه
والله اذكر بس الموضوع ما طول مدري ليه
انا كنت احب اطبخ بس ما احب اغسل الصحون
واحلى شئ نجمع فلوس من بعضنا بعض (يعني قطه) ونشتري من بنده (بنده عليشه اكيد الكل يعرفها)
تتذكرين يوم نوصي اقبال يجيب لنا شوكولاته مارس سنكرس توكس وغلط وجاب(ههههههه ما راح اقول تتتذكرين هذا الموقف ولا 00لا)
والله ايام بس حلوه

رد: ذكريات جميله حروفها صدى مؤسسة المشلولين




*
*

وش جاب الامل <---- تحسون قاطه بقوه :D

واللهِ سلبياتهاتنسى مع ايجابيتها من جد ..

وين المقطع ترى كل شوي أخش عشانه :(..

موعشان اقرا الذكريّات :D

آهـه والامل كنتو نفس الدفعه مع الحيّاه ولا كل وحده تذكر شي بسس :p

رد: ذكريات جميله حروفها صدى مؤسسة المشلولين

أختي جوان ما فهمت وش تقصدين

(وش جاب الامل <---- تحسون قاطه بقوه


واللهِ سلبياتهاتنسى مع ايجابيتها من جد ..)

بالنسبه للمقطع ما عرفت احوله اليفيدي يبيلي اوديه يحولونه


وبالنسبه للمعرفه يبغالنا يوم نتواعد ونتاكد من بعضنا
اعرفهم بس مدري هم عرفوني الى الان ولا لا

رد: ذكريات جميله حروفها صدى مؤسسة المشلولين



من تتوقعون ذي هههههههههه الشاطر يعرفها

ترا كنا بمؤسسه مهنا فرق عنهم ولا شرايك يالحياة وانت يا اهه وصمت

رد: ذكريات جميله حروفها صدى مؤسسة المشلولين



الامل اقصد "اقبال" .. ايش جاب ..!!

اذا توعدتو الامل خوذونيّ معاكم هههه

رد: ذكريات جميله حروفها صدى مؤسسة المشلولين

اقبال هذا كان مع صفة البوابين
وهو الي كنا نرسله يجيب لنا اغراض من بنده
كذا جا على بالي واطريته ههههههههه
اما بالنسبه للمواعد متى يناسبك
وانت من الرياض

رد: ذكريات جميله حروفها صدى مؤسسة المشلولين


طب غلط وش جاب :D

يــس أنا من الريــاض ..

تاخذوني معاكم اذا توعدتم ولالا هههه