رد: نجتمع من أجلهم

اختي بس ابيكي تشرحين لي حالة ولدكي من الولاده واللحين وش المشاكل اللي عنده بالضبط
ويمشي او لا ووين تراجعين فيه حتى لو بالكويت وهل الدكتور شاطر
وكم عمر ولدكي الله يخليه لكي

رد: نجتمع من أجلهم

هلا أختي المحترمة

أولا كل حالة تختلف عن الحالة الأخرى :

ولدي عمره 9سنوات .

- مقعد لا يمشي (على الويل جير).

- عنده تشنجات وسببتله تأخر عقلي.

- يراجع كذا عيادة: الأعصاب لعمل أشعة مقطعية للرأس لمعرفة حالة الشنت + حجم الرأس هل زاد أم كما هو, دكتور الأطفال للمتابعة من الناحية الصحية (أدوية التشنج وهل تحتاج الى زيادة أو تخفيف, الصحة العامة ككل),,, دكتور الجهاز التناسلي لأن هذه الحالات عندهم مشاكل في البول أعزكم الله من ارتجاع ومثانة عصبية فيحتاجون الدواء الواقي لمنع حدوث الإلتهابات,,,, دكتور العيون وهذه في الفترة الأولى من الولادة .

رد: نجتمع من أجلهم

تفضلوا هنا

- - لنتعاون معا من أجل مخاطر أقل لطفل مصاب بنوبة تشنج(صرع) (http://m3aq.net/vb/showthread.php?t=30993)

رد: نجتمع من أجلهم

سلام
اليوم كان عندي موعد لجنى بعيادة المسالكـ
عاد اهي الفترة الي
طافت على طول عندها الالتهابات وكل فترة اروح الاسعاف عشان تحاليل وغيرة
المهم اليوم الدكتور سألني إذا مستشفى فيصل بالرياض اعرضوا علينا ان يسون لها زراعة مثانة بدال المثانة العصبية الي عندها
قال ان يأخذون جزء من الامعاء ويزرعونة بدال المثانة
وان بعدها تخق الالتهابات
احد سمع عنها او احد سوى هالعملية ؟
لأني افكر لاطلعت لرياض الشهر الجاي اكلم الدكتور عنها لأن شغلة هالالتهابات متعبة لنا ولجنى

رد: نجتمع من أجلهم

هلا وغلا ام جنى

سمعت عنها وودي اسويها لولدي .

وهذا اللي قريته عنها:

. إذا كانت المثانة البولية جيدة ولكن هناك ضعف في المحبس ، فيمكن زراعة محبس صناعي وهو عبارة عن كيس يمكن نفخه ويوضع حول عنق المبولة ، وعن طريق التحكم في الضغط داخله يمكن إغلاق عنق المبولة ومنع مرور البول ، وجهاز التحكم يوضع في كيس الصفن في الذكور وفي الشفر الخارجي للإناث.
قد يحتاج الأمر لإجراء جراحة لزيادة حجم المثانة بجزء من الأمعاء

رد: نجتمع من أجلهم

اممم يعطيكـ العافية شموسه
امس وانا اسوي قسطرة لجنى نزل دم يعني لون البول وانتوا بكرامة صار لونه احمر كثير مو اشوي
خفت ورحت الاسعاف بالليل
والي موجود طبيب عام
قالي تنويم بس مافي سرير !!
اتصلوا الظهر يمكن يصير فيه المهم رجعت البيت والمستشفى بعيد واجد
واتصلت الظهر وقالوا تعالي فيه
واروح الا تقول انتظار رجعوا مافي واعصب عليهم واخذوا تهزيئ
وانتظرنا من الظهر لساعة خمس
حطونا في غرفة شبه مخزن
والي يدق البدن اكثر مافي الاطبيب عام
يعني ننتظر لبكرة نشوف وش سالفة هالدم
احد مرة عليه هالحالة الي عنده فكرة يطمني ؟

رد: نجتمع من أجلهم


هلا أم جنى

شوفي انا صارت لي نفس الحالة مع ولدي
لأني يمكن وانا أسويله القسطرة جرحته من الداخل

بس شوية دم وعقبها راح يعني تعودت وعرفت وصرت أحط بالي عدل وما أستعجل بالقسطرة .

لازم تكونين مرتاحة نفسيا ومهيئة المكان ولا إزعاج ولا أحد يمج يضايقج شي مهم.

أعتقد مايحتاج تنويم.

ألحين تشوفين دم؟؟؟؟

رد: نجتمع من أجلهم

هلا خيتو صارت لي قبل هالمره بس كان الدم قليل جدا
اما هالمره خفت ان الدم اخذ يوم كامل وكان يخوف شكلة تغير لون البول صار كله احمر
وتنومت يومين تقريباً وقالوا إنه جرح
وطلعت ^_^

رد: نجتمع من أجلهم

الله يجزاك خير على الموضوع الرائع والمفيد

انا عندي ابني عمره الان 11 شهر عنده الصلب المشقوق واستسقاء الراس وتقوس العمود الفقري

اطرافه السفليه مشلوله يعني ماراح يمشي الا اذا الله كتب له

مشكلتي انو مايجلس الا وانا امسكه ولا يحبي

رد: نجتمع من أجلهم


هلا وغلا

يعني تقريبا نفس الحجي اللي ذكرته لج.

ماعليه الحمدلله شي أحسن من شي بس مرة ثانية حطي بالج ومثل ما وصيتج أهم شي انج تكونين فاضية وهادية الأعصاب وبعيدة عن التوتر

والإزعاج:)

رد: نجتمع من أجلهم

أجمعين يارب

ويا هلا فيج بينا أخت عزيزة وغالية :)

الله يحفظه وليدج ويخليه لج يارب

توه صغير حبيبي والأفضل انج تراجعين العلاج الطبيعي علشان اتعلمين منهم شلون القعدة الصح واذا يحتاج جبيره ولا لأ؟؟ وكل ماكان العلاج مبجر

كل ماكانت النتايج طيبة.

وطمنيني .

رد: نجتمع من أجلهم

مشكوره حبيبتي على ردك

انا اراجع فيه بمدينة الامير سلطان وجلسة شهر عندهم علاج طبيعي

والصراحه انا اهملته ولا صرت اسوي له وان شاءالله بحاول اسوي له علاج طبيعي

رد: نجتمع من أجلهم

الله يعطيكم العافيه والصبروالاجر والثواب العظيم
ويشفي اولادكم جميعا
لكم كل الشكر والتقدير

رد: نجتمع من أجلهم


العفو ياعزيزتي:)

ماعليه ان شاء اله تلحقين عليه وتبشرينا بالأخبار الطيبة.

وحاولي تقعدينه بمساعدة مثل: تقعدينه وتحاصرينه بالمساند.









وانتبهي لوضعية الرأس يعني كثر ماتقدرين تخلين راسه مستقيم وتحته مخدة

رد: نجتمع من أجلهم


الله يعافيج ويسلمج يارب:)