نجتمع من أجلهم

[اثير ..]

رد: نجتمع من أجلهم

اسأل الله العظيم رب العرش العظيم ان يشفي جميع المرضى

وانصحكم بالاهتمام بالمعالجه مهما كانت الظروف
فانا قد ايبت بشلل اطفال وانا في الثالثة من عمري وكان السبب تعرض لصدمه (شاهدت حيوانات فجلست اصرخ من الخوف بعدها لاحراك نهائي )لكن بفضل من الله ونعمه التي لاتعد ولاتحصى من الله علي بالشفاء ومن ثم عناية واهتمام والداي رحمة الله عليهم نزل الشلل الكلي الى قدم واحده فقط فانا لااحد يعرف اني بي شئ الاعندمااقوم واسير امامهم .. فلذااالحرص ومن من ثم الحرص على المتابعه والعلاج وتأكدي ان الانسان مبتلى وعلينا الصبر وعدم الجزع

 

[ام جنى]

رد: نجتمع من أجلهم

شمس الضحى تأخذ الواقي على طول بس احياناً يصير لها بكتيريا والدكتور دايم يقولي شي
طبيعي الي عندهم هالمرض تكرر الالتهابات لهم واغلب الاحيان يكون علاج هالبكتيريا عن طريق الوريد

اما بالنسبة لتقوس صاير في القدم يعني رجولها مو سيده
والعلاج الطبيعي بعيد واجد عنا وقفته عشان ما في مواصلات
وقبل فترة كنت برجع للعلاج الطبيعي قال لي الدكتور خلاص ماتحتاج علاج طبيعي احنا حالياً نركز على إنها تمشي لأنهم
مسوين لها الجزمة الي فيها حديد توصل للفخذ
وطبعاً جنى عنيدة وماترضى تمشي وصياح ويتخيل لها انها بتيطح لمشت وانا احنا الي نبي نطيحها
والموعد الأخير الدكتور قالي خلاص ما استعلمه مو ضروري لانها رافضة تمشي فيه او تحاول تمشي
بس انا اصريت عليه انها تستمر عليه لأن مخلي رجولها سيده بس افكر في الموعد الجاي لو رحنا وقال خلاص ماكو فايدة شنو الحل بيكون ؟ او شنو البديل ؟


اثير والله هذي احنا مو تاركين العلاج وعلى الله :5:

 

[اعاقتي سر ارادتي]

رد: نجتمع من أجلهم

شمس الضحى؛ ماتفيد العمليه لاني مسويه قبل عمليه في العمود الفقري وربج المستعان

ام جنى؛ خذي بنتي امريكا اهناك فيه لها علاج لرجولها وانا سويتها بعد مع اني ما امشي بالمره من الولاده واذا مادرتي سوي لها جبس حيث ان رجولها تكون مفروده

 

[ام جنى]

رد: نجتمع من أجلهم

طيب استفدتي يعني من العملية
شنو المستشفى الي سويتها فيه وكم قعدتي وكم كلفتك العملية ؟

 

[شمس الضحى]

رد: نجتمع من أجلهم

ام جنى ان شاء الله تمشي وتوقف على حيلها بس شوي شوي وكل شي راح يتم.

اعاقتي ان شاء الله ربي سبحانه يكون بالعون.

شكرا لكل من تفضل وشارك معنا.

 

[المحترمه]

رد: نجتمع من أجلهم

انا بنتي عمرها ثلاث شهور وفيها الصلب المشقوق واستسقاء بالراس
وفيها انبوب تكفون ريحوني وطمنوني
فيها انحناء بسيط في رجل وحده بس ومافيها شلل ولله الحمد
اللي مرت بنفس الحاله او تعرف اي شي تقولي او ترسل لي رساله الله يخليكم

 

[شمس الضحى]

رد: نجتمع من أجلهم

هلا أختي المحترمة

يارب يحفظ بنيتج وخليها لج

الحمدلله بالعلاج الطبيعي المكثف وتنمية المهارات اليومية والإعتماد على النفس في الأكل وغيره بمساعدة منج ومن المختصين له نتائج طيبة ومثمرة باذن الله.

اختيار الكرسي المناسب لها.

 

[شمس الضحى]

رد: نجتمع من أجلهم

أعراض يجب على الأم الإنتباه لها :

لمعرفة حالة الشنت(الأنبوب) - يكون لين بالضغط عليه.
- عدم وجود احمرار أو انتفاخ بالمنطقة.
- الترجيع المستمر والخمول الغير عادي والحرارة المرتفعة من أعراض التسكير.
- يجب مراجعة المستشفى ضروري وعمل أشعة مقطعية للرأس مع احضار الأشعات القديمة .

 

[المحترمه]

رد: نجتمع من أجلهم

اختي شمس الضحى اذا ما عندكي مانع ارسلي لي رقمكي ع الخاص
لاني والله محتاجتلكي ضروري

 

[شمس الضحى]

رد: نجتمع من أجلهم

هلا يالمحترمة انا حاضرة بكل ماتأمرين فيه

ويكون هنا بالعام للفائدة للجميع.

علما بأنني من الكويت.

 

[المحترمه]

رد: نجتمع من أجلهم

اختي بس ابيكي تشرحين لي حالة ولدكي من الولاده واللحين وش المشاكل اللي عنده بالضبط
ويمشي او لا ووين تراجعين فيه حتى لو بالكويت وهل الدكتور شاطر
وكم عمر ولدكي الله يخليه لكي

 

[شمس الضحى]

رد: نجتمع من أجلهم

هلا أختي المحترمة

أولا كل حالة تختلف عن الحالة الأخرى :

ولدي عمره 9سنوات .

- مقعد لا يمشي (على الويل جير).

- عنده تشنجات وسببتله تأخر عقلي.

- يراجع كذا عيادة: الأعصاب لعمل أشعة مقطعية للرأس لمعرفة حالة الشنت + حجم الرأس هل زاد أم كما هو, دكتور الأطفال للمتابعة من الناحية الصحية (أدوية التشنج وهل تحتاج الى زيادة أو تخفيف, الصحة العامة ككل),,, دكتور الجهاز التناسلي لأن هذه الحالات عندهم مشاكل في البول أعزكم الله من ارتجاع ومثانة عصبية فيحتاجون الدواء الواقي لمنع حدوث الإلتهابات,,,, دكتور العيون وهذه في الفترة الأولى من الولادة .

 

[شمس الضحى]

رد: نجتمع من أجلهم

تفضلوا هنا

- - لنتعاون معا من أجل مخاطر أقل لطفل مصاب بنوبة تشنج(صرع) (http://m3aq.net/vb/showthread.php?t=30993)

 

[ام جنى]

رد: نجتمع من أجلهم

سلام
اليوم كان عندي موعد لجنى بعيادة المسالكـ
عاد اهي الفترة الي
طافت على طول عندها الالتهابات وكل فترة اروح الاسعاف عشان تحاليل وغيرة
المهم اليوم الدكتور سألني إذا مستشفى فيصل بالرياض اعرضوا علينا ان يسون لها زراعة مثانة بدال المثانة العصبية الي عندها
قال ان يأخذون جزء من الامعاء ويزرعونة بدال المثانة
وان بعدها تخق الالتهابات
احد سمع عنها او احد سوى هالعملية ؟
لأني افكر لاطلعت لرياض الشهر الجاي اكلم الدكتور عنها لأن شغلة هالالتهابات متعبة لنا ولجنى

 

[شمس الضحى]

رد: نجتمع من أجلهم

هلا وغلا ام جنى

سمعت عنها وودي اسويها لولدي .

وهذا اللي قريته عنها:

. إذا كانت المثانة البولية جيدة ولكن هناك ضعف في المحبس ، فيمكن زراعة محبس صناعي وهو عبارة عن كيس يمكن نفخه ويوضع حول عنق المبولة ، وعن طريق التحكم في الضغط داخله يمكن إغلاق عنق المبولة ومنع مرور البول ، وجهاز التحكم يوضع في كيس الصفن في الذكور وفي الشفر الخارجي للإناث.
قد يحتاج الأمر لإجراء جراحة لزيادة حجم المثانة بجزء من الأمعاء

 

[ام جنى]

رد: نجتمع من أجلهم

اممم يعطيكـ العافية شموسه
امس وانا اسوي قسطرة لجنى نزل دم يعني لون البول وانتوا بكرامة صار لونه احمر كثير مو اشوي
خفت ورحت الاسعاف بالليل
والي موجود طبيب عام
قالي تنويم بس مافي سرير !!
اتصلوا الظهر يمكن يصير فيه المهم رجعت البيت والمستشفى بعيد واجد
واتصلت الظهر وقالوا تعالي فيه
واروح الا تقول انتظار رجعوا مافي واعصب عليهم واخذوا تهزيئ
وانتظرنا من الظهر لساعة خمس
حطونا في غرفة شبه مخزن
والي يدق البدن اكثر مافي الاطبيب عام
يعني ننتظر لبكرة نشوف وش سالفة هالدم
احد مرة عليه هالحالة الي عنده فكرة يطمني ؟

 

[شمس الضحى]

رد: نجتمع من أجلهم

اممم يعطيكـ العافية شموسه
امس وانا اسوي قسطرة لجنى نزل دم يعني لون البول وانتوا بكرامة صار لونه احمر كثير مو اشوي
خفت ورحت الاسعاف بالليل
والي موجود طبيب عام
قالي تنويم بس مافي سرير !!
اتصلوا الظهر يمكن يصير فيه المهم رجعت البيت والمستشفى بعيد واجد
واتصلت الظهر وقالوا تعالي فيه
واروح الا تقول انتظار رجعوا مافي واعصب عليهم واخذوا تهزيئ
وانتظرنا من الظهر لساعة خمس
حطونا في غرفة شبه مخزن
والي يدق البدن اكثر مافي الاطبيب عام
يعني ننتظر لبكرة نشوف وش سالفة هالدم
احد مرة عليه هالحالة الي عنده فكرة يطمني ؟

هلا أم جنى

شوفي انا صارت لي نفس الحالة مع ولدي
لأني يمكن وانا أسويله القسطرة جرحته من الداخل

بس شوية دم وعقبها راح يعني تعودت وعرفت وصرت أحط بالي عدل وما أستعجل بالقسطرة .

لازم تكونين مرتاحة نفسيا ومهيئة المكان ولا إزعاج ولا أحد يمج يضايقج شي مهم.

أعتقد مايحتاج تنويم.

ألحين تشوفين دم؟؟؟؟

 

[ام جنى]

رد: نجتمع من أجلهم

هلا خيتو صارت لي قبل هالمره بس كان الدم قليل جدا
اما هالمره خفت ان الدم اخذ يوم كامل وكان يخوف شكلة تغير لون البول صار كله احمر
وتنومت يومين تقريباً وقالوا إنه جرح
وطلعت ^_^

 

[أم تركي]

رد: نجتمع من أجلهم

الله يجزاك خير على الموضوع الرائع والمفيد

انا عندي ابني عمره الان 11 شهر عنده الصلب المشقوق واستسقاء الراس وتقوس العمود الفقري

اطرافه السفليه مشلوله يعني ماراح يمشي الا اذا الله كتب له

مشكلتي انو مايجلس الا وانا امسكه ولا يحبي

 

[شمس الضحى]

رد: نجتمع من أجلهم

هلا خيتو صارت لي قبل هالمره بس كان الدم قليل جدا
اما هالمره خفت ان الدم اخذ يوم كامل وكان يخوف شكلة تغير لون البول صار كله احمر
وتنومت يومين تقريباً وقالوا إنه جرح
وطلعت ^_^

هلا وغلا

يعني تقريبا نفس الحجي اللي ذكرته لج.

ماعليه الحمدلله شي أحسن من شي بس مرة ثانية حطي بالج ومثل ما وصيتج أهم شي انج تكونين فاضية وهادية الأعصاب وبعيدة عن التوتر

والإزعاج