حال البنات في الباص غريب وعجيب !!


يعني مثلا..

وحده ناااايمه واللي بعدها بين الحياة والموت
واللي بعدها باربع بنات بنتين يتكلمون...
البنت (1) امي قالت حق خالي فيصل ود بنتي السوق
البنت(2) مو قلتي خالك هذا مسافر لندن
البنت(1) لا اللي مسافر هو خالي محمد
...البنت معرفتها على اسماء العائلة الكريمه




ومن جهة أخرى نجد الملقعات..

البنت(1) الامتحان النحو صعب اليوم !!
البنت (2) اللي يسمعك يقول ماتاخذ علينا الاول اقول واللي يعافيك
اكرمينا بسكوتك
البنت (1) والله..صعب ماعرفت الاعراب انا شكيت هو (جار ومجرور) ولا (مجرور وجار)>>انا اقول نفسها



ومن جهة أخرى نجد بنات النت...

البنت (1) امس دخلت الشات ومالقيتك ايش فيك؟
البنت (2) انا داخلة لكني مغيرة اسمي
البنت(1) ليش غيرتيه
البنت (2) مزاجيييييييييي !!
البنت(1) طيب وراك ماتردين على مواضيعك الشينه
البنت(2) والله مااحد اجبرك تردين على مواضيعي ولااحد عظك على يدك وقال راقبيها
الا القهر مقطع عيونك ماعينوك مشرفة وانا مسجله بعدك خخخخخ



وفي مؤخرة الباص نجد الفن والطرب...

البنت(1) ماشفتي الحلقه الأخيرة من المسلسل أمس !!
البنت(2) إلا بااااايخه !! ماتوقعت ذي نهايتها !!
البنت(1) ايه صح مالها داعي
البنت(3) اليوم راح يجي مسلسل غيره شكله أزين!!
البنت(1) لا المسلسل اللي راح يجي اليوم قديم أنا تابعته!!



وبجانب بنات الفن..نجد بنات البلاي ستيشن..

البنت (1) الله ياخذ شركة كونامي مانزلت (سايلنت هيل 4)
البنت (2) صادقة..ماشاء الله على شركة كابكوم تنزل ديسكاتها بسرعه
الا هالمرة مانزلت(رزدنت إيفل زيرو) مايخالف يقولون لكل حصان كبوه>> حلو مطابق هالمثل
تتوقعين يكون فيه (التايرنت)
البنت(1) احتمال لان(البرت ويسكر )فيه
البنت(2) صدق..!!؟؟!!
البنت(1) ايه..قريت مذكراته ويقولون انه فيه...



ومجموعة ثانيه تتكلم عن الطبخ

البنت (1) اليوم علي المطبخ وعييييييه
البنت (2) اللي يسمعك يقول كل يوم تكرف بالمطبخ الله يرحم حالي
انا كل يوم عندي المطبخ والغسيل وكل شيء
البنت (1) لا الحمد لله انا مرة بالشهر
البنت(2) ياحظي..الا اقول تعرفين طريقة البسبوسه
البنت(1) مدري..ايه عرفتها انتم تشترون العجين>>>>> في بالها سمبوسه



واما بنات الميك اب والموضه

البنت(1) ناظرتي اخت العروس روووووووعه وخصوصا فستانها تهبل مووت>>> احلفي
البنت (2) ايه وشفتي الظل اللي مسويته قمة الغباء ليش مسويته تحت عيونها
البنت(3) يابنتي هذه الموضه تو نازلة الاربعاء>>> ولا الخميس
البنت(1) اقول لاتعطونها وجهه ماتفهم بشيء
البنت(2) نعم..!! وش تقصدين..لايكون تتكلمين عني....حدك
البنت (3) لا ياماما اكلم زوجة عمي خخخخخخخخ



فئة (ك ت ب )

البنت(1) عطيني الواجب حق بكره
البنت(2) وليش ماتحلينه بنفسك من غشنا فليس منا
البنت(1) مو انتي ناقلته من اللي بجنبك
البنت(2) هاااه
البنت (1) اي..اقول عطيني>>>> يعني اجباري
البنت(2) انا نقلته علشان احنا معزومين في البر
البنت(1) والله....واحنا معزومين بالبحر <<قويييييه مره هع هع