: 0
: 6
تويت
طبيت انا بالسوق من قبل يومين...
وناديت اخويه و التفت شخص ثاني
شاف العيون الناعسه طاح مسكين...
ورحمت حاله يوم شفته يعاني
قلت اشتبي وشجاك وشفيك ياشين...
جاوب عيونك ثبتتني مكاني
قلت اذكر الله واحمده ثم بعدين...
بعلمك شاالحل يالمودماني
سكت وقال الله واكبر ياهالزين...
انا اشهد ان الزين هذا بلاني
قلت اذكر الله لعنبو دارك الحين...
قدام انا لفضحك وادعي اخواني
قال اصبري يابنت تكفين تكفين...
بقرأ عليك الحين سبع المثاني
لكن انا في خاطري منك بيتين...
بقولها مادام رمشك رماني
وقفت انا اسمع له علشان شيئين...
سكسوكته حلوه وصوته خذاني
وهو يسولف في محل الفساتين...
اخوي شافه من محل الأواني
طول كلامه مادرى غير كفين...
من كف اخوي اللي مسكه ونساني
فكوهم اللي حولهم بالدكاكين...
وأخوي صلح نسفته ثم جاني
قال اركبي يالله على البيت ماشين...
ماعاد اطب السوق سوق الفلاني..
تعليق