[TABLE1="width:100%;background-image:url('http://www.m3aq.net/vb/mwaextraedit2/backgrounds/11.gif');border:3px inset white;"][CELL="filter:;"]
[/CELL][/TABLE1]
خلها على الله ماهي أول خساره
وياقلبي إصبر يمكن تكون خيره
وياقلبي إصبر يمكن تكون خيره
إن كان ماوده يجي بإختياره
اللي خلقه الله خلق ناس غيره
اللي خلقه الله خلق ناس غيره
ليته عرف هالبعد وشلون ناره
ماكان عندي يبعد ويروح ديره
ماكان عندي يبعد ويروح ديره
الشوق بعثرني وطال إنتظاره
يعني خلاص الحب هذا مصيره
يعني خلاص الحب هذا مصيره
فواز عطني من باكيتك زقاره
وخدر لي الشاهي وخليه شيره
وخدر لي الشاهي وخليه شيره
بجر صوت ماجلبته الحضاره
ميراث شايب ماختلف في مسيره
ميراث شايب ماختلف في مسيره
بعض الشعر يقثع عليك المراره
وبعضه يداوي كل نفس كسيره
وبعضه يداوي كل نفس كسيره
وانا لعبت القاف وأربكت كاره
لكن عفته يوم حاسوا مريره
لكن عفته يوم حاسوا مريره
من صاروا الشعار نوره وساره
وسيمون اسمر هو يقود المسيره
وسيمون اسمر هو يقود المسيره
بكره يصير الشعر رهن استعاره
يعني تقبل لو تهيجن شكيره
يعني تقبل لو تهيجن شكيره
النفس طابت يوم كشف الستاره
يوم الكبيره تستوي بالصغيره
يوم الكبيره تستوي بالصغيره
وادركت مافال جو ياكود فاره
استتبع الماخوذ ثم صار زيره
استتبع الماخوذ ثم صار زيره
ودام انها ساحة لوي واستداره
بشوم عنها وياعساها سفيره
بشوم عنها وياعساها سفيره
بطران لا والله شيخ البطاره
واعز نفسي عن نفوس حقيره
واعز نفسي عن نفوس حقيره
وعزاي بالعطار ورثه عطاره
واللي خدم مهما وصل تبع اميره
واللي خدم مهما وصل تبع اميره
بنهي انا الموضوع وش لي بعاره
وارد للي ماتأنب ضميره
وارد للي ماتأنب ضميره
خل ظلمني ماعدلني بقراره
هو سبت احزاني وقلبي اسيره
هو سبت احزاني وقلبي اسيره
اقفى ولادري وين صارت دياره
والمشكله ماعاد لي معه سيره
والمشكله ماعاد لي معه سيره
قامت تعذر جيته والزياره
وانا جروحي من بعاده خطيره
وانا جروحي من بعاده خطيره
اومى بكفه وابتسملي بحقاره
وعرفت ريح المسك من نفخ كيره
وعرفت ريح المسك من نفخ كيره
هو يحسب ان الغدر فن وشطاره
بس مادرى ماطار بالحب طيره
بس مادرى ماطار بالحب طيره
فواز وينك ماتمد الزقاره
لي حروة الساعه ابيلي تعميره
لي حروة الساعه ابيلي تعميره
يمكن مع الدخان تطخ الحراره
خص اذا شاهيك ياخوك شيره
خص اذا شاهيك ياخوك شيره
وخلها علي الله ماهي اول خساره
واللي خلقه الله خلق ناس غيره
واللي خلقه الله خلق ناس غيره
الشاعر / فيصل العدواني
[/CELL][/TABLE1]
تعليق