هذا قدرنا مالنا فيه حيله ,
ودعت من لا يطيق القلب توديعه
ودعت شخصا عزيز وصاحبا غالي
قلبي عصاني على فرقاه ويطيعه
ودمعي تحدر على الخدين همالي
ياشين طعم الموادع صعب تجريعه
مرا يذوقك طعم المر بالحاني
حاول نهار السفر يخفي مواجيعه
يبين انه سعيد وخاطره سالي
لكن بين عذابه في مداميعه
ماتبكي العين لو هو قلبها خالي
والله احبه كثر هجره وتلويعه
حتى جفاه وعذابه كان يحلالي
حاولت اقنع خفوقا صعب تقنيعه
يقول ماغير بس حبه يطرالي
كتمت سر الغرام وعيني تذيعه
واجامل الناس وانا منشغل بالي
ذي صورته وعليها خطه وتوقيعه
وهذي هدايا فيها حلم وامالي
مافات على المخلوق صعب ترجيعه
لو كان قدره عزيز ومنزله عالي ...
تعليق