رد: اجتماع هام هام هام

ليت تحدد اخوي فالح جميع الطلبات لان بعضها يخدمكم انتم الشباب لا نحن الفتيات مثل:اعفائكم من رسوم استماره السيارات او التجديد للاستماره..ولاتحسبها انانيه مني لكن ليت بالمقابل تضيف للطلبات التأمين الصحي الشامل لجميع المعاقين واعفائهم من رسوم العلاج والعمليات الجراحيه.
كذلك طلب اعفاء من رسوم المعاهد الخاصه بالكمبيوتر واللغه الانجليزيه.السماح لجميع المعاقين بفتح مشاغل نسائيه دون الحصول على شهادات في التجميل او الخياطه لانهن سيوفرن عاملات لذلك ..كذلك عدم قطع الاعانه عنهن..وبالطبع مع اضافة طلباتكم السابقه..ودمتم

رد: اجتماع هام هام هام

مانسيناكم ولا راح ننساكم اخواتنا المعاقات
انا ماحبيت يصير الموضوع مطالب ونرجع للاول
وتاكدي ان اللي بيجينا بيجيكم
وتشكيل لجنه نسائيه لااخذ براي المعاقات

الموضوع كله خير ان شاء الله
ماهي معقوله ننساكم ياايلاف

لااريد كثر المطالب الاهم تشكيل لجنه نسائيه
والخير يعم الجميع ان شاء الله

رد: اجتماع هام هام هام

ابشر والله يا ابو عبدالله ومثل ما تفضلت اذا ما نطالب واعلى سلطة والا ما ينفع مرة ومرتيت وثلاث يمكن ما وصل صوتنا للمكان اللي المفترض يوصل له انا معكم وادعوا في جميع المنتديات المهتمه بالاعاقة وحقوقهم بذلك والحمد لله ما كان بعيدا بالامس اصبح قريبا اليوم وانا اتمنى من كل معاق يجلس ويفكر مع نفسة اذا ما صار هذا الشي مثل تجارب كثيرة في بلدنا وسمحوا بها وما ابغى اذكر بالتحديد

رد: اجتماع هام هام هام

يا جماعة الخير الدال على الخير كفاعلة ولا تستهينون بالاجتماع والحضور كلنا عندنا مشاغل وظروف لكن الاهم اهم من المهم واعتقد المطالبة بالحقوق من اولويات كل معاق ولى زمان ما ينفع وما يصير كل شي صار وبيصير باذن الله مواضيع في نفس حساسية موضوعنا واقل واخذت حقها في الشورى والوزراء وفي جميع المجالس والمؤتمرات لكن قضيتنا رابحة وولي الامر ليس الا بشر ونحن نذكر ونطالب( وذكر ان الذكرى تنفع المؤمنين)

رد: اجتماع هام هام هام

كلنا يد واحده والله يوفق

رد: اجتماع هام هام هام

التجمع يوم 26 شوال يوم الاحد والحاضر يعلم الغايب
ومشكورين على الروح الطيبه وهلا هلا

ابن جلال معاق مثلنا ولا اعلم اين هو الان وهو حماسي وكان يطالب بالتجمع وكنت اقول لازم نعطيهم فرصه وللاسف حان الان وقت التجمع

رد: اجتماع هام هام هام

جاني رد بمنتدى للأعاقه هذا نصه
(( وهناك بالرياض على طريق القصيم فيه استراحه لتجمع المعاقين لحل مشاكلهم ويوجد قسم للنساء
وهذا رقم المسؤل عنها د/ عبدالرحمن الرشيد ))

مادري هي نفسها استراحتكم ولا استراحه ثانيه

نقلت لكم ا لرد يمكن تتواصلون مع د / عبد الرحمن ويفيدكم

مقدر اغامر ودق عليه تصرفو يافالح

رد: اجتماع هام هام هام

شكرا لك هي الأستراحه نفسها .بس الرقم مادري

رد: اجتماع هام هام هام

الارقام ممنوعه بالمنتدى
لو بنكتب رقم كتبت رقمي وانا واعوذ بالله من كلمه انا صاحب الفكرة

بنصبر يومين وبعدها بحط رقمي
لكن وين الشباب اللي يتكلمون بالمنتديات ويطالبون ترى الموعد قرب وهلا بالجميع

رد: اجتماع هام هام هام

ياخ فالح انت بس قول يابنات فزعه .. تلقاني محضره مع مجموعه


هذا اذا ماتحركوا الرجاجيل ;)

رد: اجتماع هام هام هام

ماتقصرون نفداكم
وابشركم فيه مجموعه معي ولا يدخلون الانترنت ومنسق معهم على الجوال
والاخ ماجد بن محمد معه كذا واحد

التاريخ لن يرحم اختي امال
ماذا قدمنا لاانفسنا وللمعاقين
انا قبل سنوات كنت مشرف بالشبكه العربيه وقلت افتح هالموقع ننشر غسيلنا فيه ونكتب ونطالب وللاسف
ارسلت لمجلس الشورى وحولوها لمجلس الوزراء وارسلت لوزير الشئون الاجتماعيه ولا صار شئ
الان بنروح الديوان الملكي والله كريم
وماجد العابر معانا والاخوه فيهم الخير والبركه

رد: اجتماع هام هام هام

الله يوفقكم إن شاء الله .

رد: اجتماع هام هام هام

وانا معكم وبعلم الاخوه المعاقين اللي معنا بالعمل

رد: اجتماع هام هام هام

الله يعطيكم الف صحة وعافية لكن يا جماعة الخير يا الفءة المظطهدة نبي مساعدتكم معنا ووقفتكم حضورا او روحا والهدف يصب في مصلحة كل معاق موجود الان او لاقدر الله في المستقبلمن المهم نثبت كوراثية وغيرها 00
المهم اننا نثبت على الموقف وعلى المطالبة وباذن واحد احد انا عندي معلومات وامل كبير في الله
لكن الله الله والكلام لجميع الفءات وكلا الجنسين واخص كلا الجنسين لان التغطية في الاعلام بتكون اقوى باذن الله ( اما اكون او لا اكون؟ )

رد: اجتماع هام هام هام

اشكر الله واشكركم وكلنا يد واحدة
والوعد يوم الاحد بعد 8ايام
وسوف نعمل ترتيبات خاصه
والاخوات ضمن مطالبنا لاتفكرون نسيناكم
وبينا الجوال ياشباب