رد: قصتي مع الصرصور .

هههههههههههههههههههه يختي بالعكس وناسه المواقف هذي احبها فيها انواع الفله وحتى لمن تذكرينها تستانسين

يختي انتي صرصور اما انا دينصور الي جاني بحكيلك على عوووووووجاله

ياطويلة العمر جاب اخوي ضب وكان اخوي متاثر مره بافلام المصاريه لدرجة انه قال لازم اخوفك

عشان تقومين تمشين على رجولك .. طبعا انا مسويه فيها البنت القويه وكأن الامر لايعنيني .

وبيوم سوينا عزيمه ومدري وش بلاه ممسك على هاليوم بالذات .. طبعا جالسه اتقهوى انا وامي

ومعينين من الله خير .. ويجيك اخوي مدرعم يمشي مليون ويرمي الضب على صدري وعيينك ماتشور

الا النور .. صرخة يحبها قلبك جابت ابوي واخوالي من المجلس ويظل الضب معلق فيني وامي خايفه

تشيله واخوي طايح على الارض يضحك وانا حالتي تشكى الى الله .. ... من يومها اسمي كل الضبان

دينصورات

يالله سلام حبوبه

;)

رد: قصتي مع الصرصور .

. رهيبة شرفني مورك العاطر

رد: قصتي مع الصرصور .

هههههههه
عـلـى مـوقـفـك يـا أخـتـي بـصـمـة فتاة

ههههههههه
عـلـى مـوقـفـك يـاأخـتـي امــال

تـصـدقـيـن يـا أمـــال أخـوي كـان بـيـسـوي زي فـكـرت أخــوك بـس يـالـيـتـه ضــب
يـقـول بـجــيـب لـك دأب وبـرمـيـه علـى رجـلـيـك يـمـكـن مـع الـخـوف تــمــشــيــن
أهــوي يـقـولــهــا قـدام أبـوي لأن وأحـد مـن أخـويـاه يـعـلـمـه بـقـصـه وأحـد مـعـاق جـاه دأب ومـاعـنـده أحــد ومـن شــــدّه خـوفــه مـشـى

أهـو يـوم عـلـمـنـي أنـا بـالـنـسـبـه لــي كـنـت مـتـردده ودي ومــا ودي

بــس أبــوي حــلــف ديـــن لــو تــســوي هــالـــحــركــة لــذبــحــك؟؟
ويـقـولــه أبـوي الله يـرحـمـه لـخـوي إنــت صــاحــي .. ولا مـجـنـون

ههههه يـوم قـريـت قـصـتـك تـذكـرت كـلـمـت أخـوي

رد: قصتي مع الصرصور .

بنت قحطان يختي وش قصة اخوانا ههههههههههههههههههههههههه

ذولا بيقتلونا مابيعالجونا

لبى قلوبهم يختي الله يهديهم لنا ويحفظهم من كل مكروه واخوان المسلمين اجمعين