رد: قعدة حريم - قعدتنا غير للأناسة والوناسة

بطاقتج الشخصية لو تكرمتي؟ ام طلال الله يحفظه ربة منزل تعليمي متوسط


هدف تحقق؟ كلها ماتحققت ياحسره



سفرة ممتعة استانستي فيها؟ كل مدينه اسافر فيها انا وزوجي وعيالي حلوه


موقف مع عيالج ندمتي عليه؟ ضيعت حقوقهم


طبخة استانسوا منها الأهل؟ انا اجتهد بس طبخي مو قد كذا


طبخة فشلت معاج؟ حاولة اطبخ زي زوجي وماقدرت ماشاء الله عليه


موقف محرج لج؟ كنت بالسياره مع زوجي ووقف سيارته قرب سياره شبيهتها جاء شايب ركب عندي انا صحت وهوه صاح مسكين الشايب


صديقة ماكانت قد الصداقة وليش؟ اه اه كانت تبي تاخذ الجمل بماحمل الله يسامحها


موقف طريف ومضحك؟ لمن اتذكر انا وزجي الشايب نجلس نضحك


كلمة للزوج؟ الأخ؟ الأخت؟ خوات ماعندي زوجي الله يخليه ليه صبر معايه كثير


كلمة للوالدة عسى ربي يحفظها؟ احب اولادي ياامي ودعواتك ليه بالصبر


كلمة للوالد عسى ربي يخليه؟ ماقصرت الله يطول عمرك وقفت معايه


كلمة لذوي الإعاقة؟ يعلم الله ان دمعتي على خدي واحس فيهم الله يكون في عونهم


كلمة أخيرة ودج تضفينها؟ قل لن يصيبنا الا ماكتب الله لنا

رد: قعدة حريم - قعدتنا غير للأناسة والوناسة

ياهلا وغلا بالغالية أم طلال يعل ربي يبلغج فيهم

ضحكتيني بموقف الشايب وبجيتيني بكلامج حسيت فيه غصة عسى ربي يوفقج ويهنيج بدنيتج:)

رد: قعدة حريم - قعدتنا غير للأناسة والوناسة

بطاقتج الشخصية لو تكرمتي؟

الماسه _ اعيش في بيتي _ بين ابوي وامي _ <<البطاقه المخفيه هههههههههه
هدف تحقق؟

لا يوجد الله يحقق لي كل اهدافي وامنياتي

سفرة ممتعة استانستي فيها؟

سافرت مع اهلي وناس من اقاربنا للطايف وجده ومكه كانت روووووعه من جد


موقف مع عيالج ندمتي عليه؟

_______________


طبخة استانسوا منها الأهل؟

الحلويات بأنواعها _ معكرونه البيتزا _ كبسه مع مرقة باميه



طبخة فشلت معاج؟


الفلافل الكذابه << اتوقع كان كذا اسمها وربي نسيتها

موقف محرج لج؟

مره كنت في عزيمه وانا امشي كنت مررره مرتبكه لأني الوحيده اللي

داخله على المجلس المهم رجلي زلت والكل كان يناظرني انا ماهمني

الحريم الموجودين لكن كان فيه شله بزارين جلسو يضحكون علي

<<هههههههههههههههه بس استاهل رحت وانا ماكلت شي وصارت رجليني

ترجف كأنه انخفاض بالسكر وماقدرت اتوازن

صديقة ماكانت قد الصداقة وليش؟

مافيه ولله الحمد

موقف طريف ومضحك؟

كانت فيه جمعه بنات وعزمتني اللي كانت الجمعه عندها وبطبعي انا

ما احب الجمعات مو من طبعي كنت امووت عليها بس الحين صرت

تقريبا تقدرين تقولين بيتوتيه المهم اعتذرت منها وقلت لوحده كانت بتروح

اني بروح بس حرصتها ماتعلمهم المهم اتصلت على هذي البنت لما وصلت

وكانت متفقه مع ام البنت اللي كانت عازمتنا انها ماتخبر بنتها خبرت امها بس

من شان تستقبلني المهم البنت هذي قفلت على البنات الباب ولما لفيت عبايتي

ودخلت وضبطت نفسي قالت بفتح الباب وبدخل وانتي ادخلي بعدي المهم

سويت مثل ما قالت والصصصصصصصصدمه لما دخلت شهقو البنات

كلهم وبكو ههههههههههههههههه مدري ليش صاحبه البيت ضمتني

وجلست تبكي مدددري ليش بعدها بدقايق مسكت معاهم حاله هستيريه

من الضحك هههههههههههه موقف مسسستحيل انساه

كلمة للزوج؟ الأخ؟ الأخت؟

الزوج _________

الاخ : ربي يخليك لي ولا يحرمني منك ياعزوتي وسندي

الاخت : حبيبتي خففي علي طلبات والله احبك بس مو لازم اقولها لك

كلمة للوالدة عسى ربي يحفظها؟

ربي يحفظك ويديم عزك يالغاليه ولا يحرمك اجر الصبر واحمدي ربك انك

مظلومه لا ظالمه (الكلاب تنبح والقافله تسير)

كلمة للوالد عسى ربي يخليه؟

الله يطول بعمرك على طاعتك يالغالي ويجعل ماضيك من الشقى والظلم

سعاده لك وربي يقدرني ارد لك لو جزء بسيط من اللي سويته لي ولأخواني


كلمة لذوي الإعاقة؟

افرحو فأنتم من اصحاب الابتلاء (اذا احب الله عبد ابتلاه)ربي يرزكم الصبر

على هذا الابتلاء وربي اني معاكم في افراحكم واتراحكم


كلمة أخيرة ودج تضفينها؟

ربي يسعد كل من يقراء ويرزقه من حيث لا يحتسب ويفرح قلبه

اللهم اعف كل من اراد العفاف وارزق كل من اراد الوظيفه وظيفه تكون له

خير في دينه ودنياه

أتمنى تكون أسئلتي خفيفة عليكم. اسئلتك خفيفه بس انا اللي داااخله غلط هههههههه

رد: قعدة حريم - قعدتنا غير للأناسة والوناسة

حيالله الماسة نورتي يالغالية:)

ويارب يتححق كل اللي تبينه ووفقج ربي ويستر عليج ويرزقج أطيب مافي الدنيا

وعسى ربي يخليلج والدينج

وليش داشة غلط انتي وبنات الشبكة كلهم مدعوين.

رد: قعدة حريم - قعدتنا غير للأناسة والوناسة

تسسسسسسسسسسسسسسلمين حبيبتي ..

رد: قعدة حريم - قعدتنا غير للأناسة والوناسة

بطاقتج الشخصية لو تكرمتي 00000000أم أحمد رمزى 0 ربة منزل 0 التعليم خلصت الثانوى بصعوبه جدا 0




هدف تحقق؟ وجودى فى المنتدى هدف وتحقق وجدا سعيده



سفرة ممتعة استانستي فيها؟ ذهبت إلى البحرين والرياض والأحساء بس أتمنى أن أروح مكه والمدينه



موقف مع عيالج ندمتي عليه؟ عندما ضربت بنتى الكبرى فى ساعة من الغضب


طبخة استانسوا منها الأهل؟ جميع أنواع الطبخ لأنى أحب الطبخ وايد وأحس الطبخ فن


طبخة فشلت معاج؟ أول بداية زواجى كنت لا أعرف كيف أسوى الرز بس اللحين تعالوا وشوفو ا


موقف محرج لج؟ يوم من الايام كتبت أغرض البيت علشن بروح السوبر وبعدين طلبت من السوق يروح الصيدليه والمهم عطيت الصيدليه ورقت أغرض البيت وجلس يضحك الدكتور وأنى ما أدرى ويش صير وبعدين عطنى الورقه من قلب كان موقف محرج


صديقة ماكانت قد الصداقة وليش؟ كثيرجدا


موقف طريف ومضحك؟ مره من الأيام كان حمودى مريض المهم من العجله لبست الحذاء فرده بيضاء وفرده سوداء

ورحت المستشفى والممرضه أنتبة وجلسن نضحك وايد



كلمة للزوج؟ الأخ؟ الأخت؟ الله يدوم الجميع والله يعطيك العافيه أبو أحمد


كلمة للوالدة عسى ربي يحفظها؟ أحبك وايد وايد أمى


كلمة للوالد عسى ربي يخليه؟ أحبك وايد وايد


كلمة لذوي الإعاقة؟ الله يشفى جميع المؤمنين والمؤمنات يارب


كلمة أخيرة ودج تضفينها؟ أتمنى أن تتحقق جميع مطالبنا

الله يعطيك العافيه خيتو

رد: قعدة حريم - قعدتنا غير للأناسة والوناسة

هلا بأم أحمد عسى ربي يخليهم لج ويحفظ بيتج

ونورتي القعدة يالغالية:)

رد: قعدة حريم - قعدتنا غير للأناسة والوناسة

بطاقتج الشخصية لو تكرمتي؟

أم عبدالله - ربة منزل(موظفة سابقا) - ثانوية عامة .

هدف تحقق؟

الحمدلله كنت أتمنى وظيفة معينه بس ربي سبحانه وتعالى كريم رزقني بأولادي زينة الدنيا هم أغلى ماعندي.




سفرة ممتعة استانستي فيها؟

كل سفرة مع عيالي استانس فيها. كليفورنيا.





موقف مع عيالج ندمتي عليه؟

كنت وايد اعاتبهم واحرمهم لي احصلوا على درجات أقل من الممتاز .



طبخة استانسوا منها الأهل؟

أحب أفنتك بالطباخ وأحب أجرب كل الطبخ الإيطالي الهندي ......الخ وأكثر طبخة استانسوا منها (مجبوس اللحم مع الدقوس)




طبخة فشلت معاج؟

القيمات لي يومكم ما اضبطها مثل الوالدة.



موقف محرج لج؟

سلمت على وحدة جان ترد علي عفوا منو انتي؟؟ اهني انحرجت وعرفت انها مو اهي اللي في بالي ... اعتذرت منها وانا حدي مفتشلة.



صديقة ماكانت قد الصداقة وليش؟

ما أقدر أقول انها مو قد الصداقة بس مو ذيج الرفيجة اللي تستاهل اني أضحي علشانها يوم من الأيام... الله يسامحها.



موقف طريف ومضحك؟

كنت بمطعم ومعاي عيالي قلت حق ولدي روح هات الطلب ومن لقافته الله يهديه لف بالصينية الا والبيبسي طايح وين؟؟ على عباتي .



كلمة للزوج؟ الأخ؟ الأخت؟

عسى ربي يوفقكم صج عزوتي بهالدنيا لا خلا وعدم.



كلمة للوالدة عسى ربي يحفظها؟

يما رضاج والجنه وعسى ربي يشافيج ويخليج.

كلمة للوالد عسى ربي يخليه؟

الله يرحمك يا يبا ويغفر لك ويجعل قبرك روضة من رياض الجنه وعسى ربي يغسلك بالماء والثلج والبرد وينقيك من الخطايا كما ينقى الثوب الأبيض من الدنس.



كلمة لذوي الإعاقة؟

كلهم عيالي وأحبهم وأغليهم وما أرضى عليهم لو مغزة إبرة.



كلمة أخيرة ودج تضفينها؟

أتمنى السلام والمحبة لنا ولبلاد المسلمين .

رد: قعدة حريم - قعدتنا غير للأناسة والوناسة


بطاقتج الشخصية لو تكرمتي؟

’’ المحاربة ’’ , عـــــزباء , ثــــــاني جامعه , تخصص ’’ تــــــــربية خـــــــاصة ’’



هدف تحقق؟

زواج آخر العنقود في خـــــالاتــــــــي بعد العنوسه الطويله ’’ الله يسعدها ’’

سفرة ممتعة استانستي فيها؟

يوم نرووووووووح جبال التهامه خخخخخخ

موقف مع عيالج ندمتي عليه؟

في المستقبل البعيد أن شاء الله نقولك خخخخخخ ,,

طبخة استانسوا منها الأهل؟

المصقعه ,,,

طبخة فشلت معاج؟

لا الحمد لله أنا مُتمكنه من الطبخ ’’


موقف محرج لج؟

قريبه من موقف ’’أم طلال ’’ خرجت مره من الجامعه وواصله حدي , من الدلاخه وصلت عند سياره قريبه من سيارة السواق ,, و المصيبه مليانه شباب ,, بس الحمد لله ما ردني غير باب السياره وأنا والله منحرجه بقووووووه قسمن بغيت أطيح من طولي ههههههه ,,

صديقة ماكانت قد الصداقة وليش؟

لا ولله الحمد ما قابلت مثل هذي الأشـــكال ,,

موقف طريف ومضحك؟
مره كنت أنا و أخواتي الصغار قي بيت جدآنــــــي ’’ لشهر رمضان اللي راح ’’، و خرجنا قبل الفجر بساعه تقريباً , عشان نحط الباقي من السحور للكلاب و القطط وبعض البعارين خخخخخخخخ
المهم :أخواتي الخوافات كانوا واقفين عند الباب حق الحوش , وأنا الوحيده اللي ضحيت بحياتي ورحت أرمي اللي كُلفت فيه , و فجأه لما وصلت للمنطقه المحدده نبح من وراي كلب قسمن رميت الشباشب ’’ الله يكرمكم ’’ وما دريت بنفسي إلا و أنا عند باب الحوش و بين أخواتــــــي ,,
الطريف في السالفه كلها / يقولون أخواتي لما ركضت سبقت ’’ قطوه ’’ كانت تشرد معي ، و حلفوا أني سبقتها ,و يقولون بعد أني هرولت هروله حتى في الأولمبياد ما قد شافوها هههههههههه ما شاء الله ,,

كلمة للزوج؟ الأخ؟ الأخت؟

للأخ : الله يهديك ,,
للأخت : الله يسامحك ,,
تهديد خخخخخخخ

كلمة للوالدة عسى ربي يحفظها؟
’’ قُبله على رأسك ’’ والله أنتي أروووووع أم في هالعالم _ الله يحفظك

كلمة للوالد عسى ربي يخليه؟
" بوسه على أكتاف " والله مقصرين بحقك ’’ العذر و السموحه ’’

كلمة لذوي الإعاقة؟
’’ أنا {ُأُريد و أنت تُريد والله يفعل ما يُريد }

كلمة أخيرة ودج تضفينها؟
رائع ما طرحتيه عزيزتي

لكِ مني كل الإمتنان و الإحترام

رد: قعدة حريم - قعدتنا غير للأناسة والوناسة

هلا وغلا بالمحاربة :)


وعسى ربي يخليج ووفقج أحس انج طيبة حيل

رد: قعدة حريم - قعدتنا غير للأناسة والوناسة


بطاقتج الشخصية لو تكرمتي؟

مي الحربي /طالبة جامعية ،قسم دراسات اسلامية رايحة لسنة ثالثة

آنسة ذات 24 ربيعاً>>> متأثرة بالرويات



هدف تحقق؟
بانتظااار فرج ربي


سفرة ممتعة استانستي فيها؟

سفرة لمكة كانت جدتي معنا.. رحمها الله



موقف مع عيالج ندمتي عليه؟

يجيب الله مطر هههههههههههههه


طبخة استانسوا منها الأهل؟

اممممممممممممممممممممممم

مكرونة



طبخة فشلت معاج؟

جريش





موقف محرج لج؟
كثييييييييييييييييرة

بس أذكر تو... بعزاء وحدة من الجماعة شفت بنت عمي أحبهاا ومن زمااااان عنهااا،،، ما حسيت بنفسي إلا وأناا أقول بأعلى صوتي ((( هلاااااااا والله وش هالساعة المبروكة...عاش من شافك)))

عاد تخيلن وجهي يوم استوعبت الموقف >>>>>هههههههههههههههههه
صديقة ماكانت قد الصداقة وليش؟

كل صديقااتي كفووووووو الحمد لله


موقف طريف ومضحك؟

أووووووه مع بنات أخواني كثييييييييرة

العنود بنت خيوو /عمرها 16 سنة >>>رهييييبة

إذا أمها هاوشتهاا تقولها جعل أبوي يتزوج عليك>>>طببععا تمزحnew14




كلمة للزوج؟ الأخ؟ الأخت؟

الزوج:: برضوه يجيب الله مطر ههههههههههه

لأخواني السبعة:: الله لا يحرمني منكم فديتكم ياا عزوتي
لاخواتي أم خالد و أم أسامه: مشتاقة لكن فديتكن



كلمة للوالدة عسى ربي يحفظها؟
يمه يااقلبي ربي يخليك لي عسى يومي قبل يومك أحبك يا كل الحب

كلمة للوالد عسى ربي يخليه؟
اقول لروح اابوي اللي ساكنة فيني
فقدتك يالغالي
الله يرحمك ويسكنك فسيح جناته الله يجمعني فيك بالجنة


كلمة لذوي الإعاقة؟

إن الله -سبحانه- اختارناا لأنه يحبناا فلنصبر ليعوضناا الله خيراً بالآخرة و نفوز بالجنة


كلمة أخيرة ودج تضفينها؟
سلامتك
واشهد الله إني أحب كل خواتي بالمنتدى
و أخصك بتحية و باقة ورد
الله يشفي ولدك ويقر عينك به
ويشفي مرضى المسلمين

رد: قعدة حريم - قعدتنا غير للأناسة والوناسة

بطاقتج الشخصية لو تكرمتي؟

انا اسمي بيشوو <<< هذا مولقبي بس بالمنتدى العالم كله كذا تناديني ضاع اسمي الحقيقي هع
يسموني كمان دليل الجامعه لاني حييل اجتماعه واعرف البنات ع بعض
تخصصي تربيه خاصه مومتزوجه وبديت اشك اني اصغر وحده منتدى ويارب مايكون عشان مالقط عفشي وامشي خخخ
هدف تحقق؟

اممم ادخل الجامعه بالتخصص يلي احبه

سفرة ممتعة استانستي فيها؟


كل سفراتي مع بنات عمو كانت حلوه..
موقف مع عيالج ندمتي عليه؟

مافيش خليني اتزوج اول :)
طبخة استانسوا منها الأهل؟
مابعرف اسمها فسميتها ع اسمي هههههههه
طبخه هيك فيها مكرونه ورز وتونه وشغلات واجد فيها
طبخة فشلت معاج؟
بيني وبينك مااحب المطبخ ولا احب ادخله
دخلته كذا مره اثبتلهم اني اعرف اطبخ عشان مايزعجون
السالفه فيها طبخ تشوفين غبرتي خخخخخ


موقف محرج لج؟

الحمدالله ماقد انحطيت بموقف..
صديقة ماكانت قد الصداقة وليش؟
آآآآه لا تقلبين المواجع خليها ع ربك
موقف طريف ومضحك؟
ايام الدراسه بالمتوسط كنت مره مشاغبه
والاداره يعرفون زين مازين اداوم عندهم اكثر من الفصل ههههههه
مره من المرات قررنا اناو شله بنات مانحظر الحصه ونظل نلعب بالساحه الخلفيه
بس شاءت الاقدار ننصاد هههههههههه في ناس انصادو وناس رجعو الفصل وناس دخلو اي فصل قدامهم
وبقيت انا وحده من صحباتي وكان عندنا وحده متوحشه من الاداريات يعني لو مسكتني رحت ملح
المهم هذي الاداريه كانت بعيده كانت المدرسه حيييل كبيره وفجاءه نشوفها تركض انا طار عقلي
تخيلو اداريه تركض بتنورتها بغيت اموت من الخوف واقوم احط ارجولي انا صاحبتي وركض ركض ركض ركض وهي ورانا ومن مدخل لامدخل ولا قدرنا نضيعها واحنا بالممر كان اخره لفه فنوينا نلف وندخل على لمصلى ومن السرعه زحلقت وطحت هههههههههههههههههههههههههه
بس ماوقفت من كثر ماكنت مسرعه وانا طايحه بالارض مزحلقه والجدار خلاص بيقرب وابي اوقف ومن كثر الضحك مش قادره تخيلو تزحلقون على الارض بدون اراده هههههه ومديت رجولي عشان ماصقع بالجدار وبس اوصل عنده وقمت كملت كنت ميته ضحك مش قادره اكمل وربي جاب الفرج ودق الجرس على البيت new14

كلمة للزوج؟ الأخ؟ الأخت؟
الزوج: ........
الاخ: توه صغير الله يصلحه
الاخت:الله يهديهم ان شاء الله
كلمة للوالدة عسى ربي يحفظها؟
الله يخليه لنا ومايحرمنا منه يارب
كلمة للوالد عسى ربي يخليه؟
احبك يايمه والله لايحرمنا منك..

كلمة لذوي الإعاقة؟
احبكم.. أحبكم..أحبكم..أحبكم..أحبكم..أحبكم..
أحبكم... أحبكم..أحبكم..أحبكم..
وبعد أحبـــــــــــــــــــــــــــــــــــكم..
احب اشوفكم اقويا ماأحب اشوف الضعف فيكم
خلو ثقتكم بنفسكم كبيره..والله يسعدكم دووووم
كلمة أخيرة ودج تضفينها؟
الله يسعدك( يا شمس الضحى)
وينولك يلي بالك ويخليلك عيالك يارب...قولي امين

رد: قعدة حريم - قعدتنا غير للأناسة والوناسة

الغادة : الله يوفقج ويحقق كل اللي تمنينه اللهم آمين:)

بيشووووو: ياحلو سواليفج ويعل ربي يرزقج بكل ما تمنينه عاجلا غير آجلا اللهم آمين:)