رد: أتمنى تكفون الوقوف مع هذا الرجل الشهم نخيتكم ياللي تحبون الخير

أخوي سعد خلك منطقي شوي سامحني عليها لكن كيف تبيني أعطي واحد ماعرفه شهادة
شكر بأي أساس هو يأدي عمله في خدمة ذوي اﻹحتياجات الخاصة يعني وظيفة مقابل راتب
مقابل دعوة طيبة وكلمة حلوة منا ما اشتغل تطوعي بالمدينة أو ببلاش لكن ربك اللي ينصره موب حنا
وأنا هذا أول مره أسمع فيه أعرف ألأخصائيين والتمريض اللي تنومنا عندهم هذا ماأعرفه ومثله مثل اي موظف بالمدينة
وكيف تقول انا محاسبين أو مسئولين امام الله اللي مسئول عنه مديره فقط ومدير شئون الموظفين عندهم هم اللي (( تجي تزكيته ))
من عندهم والمدينة أعرف بموظفيها
يعني لو ما أعطيه شهادة شكر بأدخل النارأو بأتعذب بالقبرمثلا ؟؟؟؟؟؟؟؟

رد: أتمنى تكفون الوقوف مع هذا الرجل الشهم نخيتكم ياللي تحبون الخير



اخوي انت استريح مايحتاج تتكلم ولاتسوي شي بالموضوع
انا اقصد وكلامي مفهوم موجهه للاشخاص الذين تمت خدمتهم من قبل هذا الشخص المحترم مدير علاقات المرضى الزميل محمد عقيل محمد العقيل

يعني الكلام موجهه للناس اللي ساعدهم


واحب ازيد على ذلك
ارجو من الاخوه الذين تم التنويه لهم بعمل شهادات شكر لمدير علاقات المرضى / محمد العقيل ان يذكروا. هذه العباره ؛ نشكر مجمع الامير سلطان للتأهيل وعلى رأسهم او ممثلهم. مدير علاقات المرضى الاستاذ/محمد عقيل محمد العقيل

لاهتمامه وتفانيه في عمله لخدمة ذوي الاحتياجات الخاصه وبامكانكم كتابة ما ترغبون به من خدماته التي حصلتم عليها من قبله او سا عدكم بها. امل نشر هذا الموضوع للأهميه

رد: أتمنى تكفون الوقوف مع هذا الرجل الشهم نخيتكم ياللي تحبون الخير

أبشر بسعدك أخوي أبستريح مع أني أتوقع انك انت محمد العقيل ولعلمك دخلت مدينة سلطان
ثلاث مرات واﻷغلب الي بالمنتدى أصدقاء لي وأعرفهم للأهمية ،،

رد: أتمنى تكفون الوقوف مع هذا الرجل الشهم نخيتكم ياللي تحبون الخير


لا والله توقعك غير صحيح

على فكره يامحمد إن جمعية الأمير سلطان خاصه .. لعلمك بس .

وليست حكوميه

يعني ليست مجانيه

لكن يوجد هناك اهل الخير اللي يدفعون بآلاف الريالات لكي يحتسبون الاجر

واخوي محمد العقيل يكون متكفل بتوصيل المرضى بدعمهم بالعلاج بدون مقابل

ويوفر عليهم اشياء كثيره

رد: أتمنى تكفون الوقوف مع هذا الرجل الشهم نخيتكم ياللي تحبون الخير

أخوي سعيد مدينة سلطان أي واحد يبيها بيدخلها ماهي صعبة وان كانت في نظرك شي
مستحيل لا لا وانا عارف انها ماهي مجانية للناس المقتدرة وعارف ان الشهر تكلفته مايقارب
60،000 ريال اللي ماعنده وقت يقدم على وزارة الصحة أويقدم على الصندوق الخيري في
مبنى 4 ودراسة حالة وأشياء روتينية وباﻷخير يقبل فيها وبرضه عندك اللي يدخل بخطاب رسمي
عن طريق الديوان أو أمير أو مسئول هذي كلها عارفينها وماهي مستحيله ومحمد العقيل كيف يوصل المعاقين يعني المعاق مابيعرف يقدم أوراقه بنفسه واعتبرني جاهل بهالكلمة
وهي (( انك تقول خدم ويخدم المعاقين ووووالخ )) وتقول من لايشكر الناس لايشكر الله وقف معاي بالنقطة هذي من شأن الجميع يشوفون هل أنا محق في نقاشك أو مخطئ وبدون زعل ﻷنك طرحت الموضوع على الجميع وتقبل أنت وجهات النظر أنت طرحته على حوالي 9000 عضو وعضوه وهو (( تقول نبغى شهادات شكر من شأن يقدمها في وجه اللي نقلوه من مكانه من الناس اللي خدمهم )) يعني سؤال أنا لو بأرقي أحد من منصب ﻷخر بأروح أسأل وأدور للمراجعين خصيصا اللي خدمهم فقط وأقول تعالوا اكتبوا له تزكيه وشهادة شكر فيها مايلي (( بالنص والحرف الواحد كذا وكذا وكذا وبإسم قسمه ومكان عمله وأدق تفاصيله )) هذي بحد ذاتها تعتبر شهادة زور إذا عمله ماشكره على جهوده يجي أي واحد من باب الفزعه على قولتك ويعطيه شهادة توصله القمر ولا من شاف ولا من درى أو إني بأروح لمديره الخاص والسوبرفايزر والمراقبين وأخذ فعلا أقوال ناس موثوقة وعلى التقييم إما أن يرقى لمستوى أفضل أو يستبعد من مكانه.
النقطه اﻷخرى وسامحني عليها اعتبرني صغير وجاهل وهي (( الناس الي خدمهم تحديدا )) يعني يخدم ناس عن ناس يعني الخدمة مقدمة لناس معينة فقط وليست للكل وهذي بحد ذاتها نحط عليها استفهام ؟؟
النقطة الثالثة سامحني عاد هي إستفزازية وهي اللي خلتني أناقشك وأفتح معك الحوار وهي
(( انك تقول من لايشكر الناس لايشكر الله وأنكم محاسبون أمام الله وتسألون عنها يوم القيامة ))
الحين صاروا المعاقين الي ارتادوا مدينة سلطان هم اللي بيتحاسبون أمام الله ويمكن يدخلون النار على كلامك لو ماكتبوا له شهادة شكر مكتوب فيها اللي قلت لهم يكتبونه نصا وحرفا بإسمه ومنصبه وكل مايخصه من شأن يبقى في مكانه وانه نقل بقرار تعسفى أو المحاسب فعلا أمام الله تعالى هو فعلا من تريد له شهادة الشكر بطريقة غير مشروعة وهو يعرف نفسه ان كان تم نقله بقرار تعسفي او لا وهو الشخص نفسه هو اللي بيسأله الله هل هو خدم الناس بلأستثناء وبلا واسطات أو خدم ناس معينة فقط كما تقول أنت.
أعتذر عن اﻹطالة من الجميع وان كنت ترى في ردي أي شي غريب أو غير منطقي أكتب لي ماتريد وأنا أنتظر ردك مع الشكر ،،

رد: أتمنى تكفون الوقوف مع هذا الرجل الشهم نخيتكم ياللي تحبون الخير

اعتقد فيه لبس بالموضوع
الاخ سعيد كاتب الموضوع يتكلم عن
الجمعية الخيرية لرعاية وتأهيل المعاقين
(مجمع الامير سلطان للتأهيل ) بالدمام
وليس مدينة الامير سلطان بالرياض

اذا كنت غلطان ارجو التصحيح من صاحب الموضوع

رد: أتمنى تكفون الوقوف مع هذا الرجل الشهم نخيتكم ياللي تحبون الخير

العمري انت محورها في موضوع ثاني الله يصلحك

مثل ما قالك اخوي معاند الزمن جزاه الله خير

اخوي محمد العقيل انظلم واقالوه اتمنى النظر في موضوعه لله فلله

وزارة الشؤون الصحيه قدمت عليها وللحين ماشف شي جديد

رد: أتمنى تكفون الوقوف مع هذا الرجل الشهم نخيتكم ياللي تحبون الخير

الله ينصره على من ظلمه ،،

رد: أتمنى تكفون الوقوف مع هذا الرجل الشهم نخيتكم ياللي تحبون الخير

وافي ياسعيد عساء الله يعافيك
واكيد اللي يعرفه ووجد منه المساعده مارايح يتخلى عنه بل يشهد له
بما واجه منه واذا الرجل كما قلت يستحق الشهاده والوقوف بجانبه