السلام عليكم ورحمة الله وبركاته ...
اسعد الباري اوقاتكم بالخير اخوتي ....
ربما العنوان غريب بعض الشيء ولكن محتوى موضوعي اغرب اكثر
كل ماارتجيه منكم الدعاء لي بظهر الغيب ....
ابتدي بموضوعي ....
انا فتاه يتيمه عزباء ابتلاني الله بمرض جعلني شبه معاقه ولله الحمد
سجلت في موقع الزواج للبحث عن نصفي الآخر
وتقدم لي شخص يمني شمالي وكان رجل ملتزم عالم باامور دينه كان يريد الستر لي وله ...
تقدمت زوجته لرؤيتي وتقبلت كوني زوجه ثانيه وطبينه لها واعجبت بااخلاقي والموضوع كان ماشي تمام
بس اخواني واخواتي الكبار ماكانوا عارفين بالموضوع الا امي الله يحفظها واخويه الصغير ...
اللي حصل فتحت الموضوع قدام اخواني الكبار طبعا لتحديد يوم مع الرجل للتحدث معه في امور الزواج ....
والله الذي لا اله الا هو ماتوقعت ردة فعل اخواني واخواتي بهالطريقه ....
اقسم بالله انهرت من البكاء وتحسفت على هالمرض اللي ربي ابتلاني فيه وصرت اسخط واجزع بكلام غير لائق والعياذ بالله ولما هديت غسلت وجهي وتوضيت وصليت وطلبت المغفره من ربي ....
المهم اجيكم في ردة فعل اخواني واخواتي ....
امكن تحسبوني ابالغ كثير ...
لكن والله الذي لا اله الاهو ...
ماتوقعت ولا خطر في بالي انهم بيقولوا كدا اقسم بالله توقعت راح يفرحون ليا اني بنستر واني لقيت الرجل المناسب اللي يخاف الله فيني توقعت شي وصار شي ثاني والحمدلله على كل حال ...
اللي حصل منهم انهم اول شي حاربوني في نصيبي وتكلموا عليا بما فيه الكفايه كل شخص يجرح ويتكلم ولا همه مشاعري كوني كانسانه اتمنى الستر زي اي وحده والله سمعت كلام خلاني ادعي ربي انه يقبضني ويريحني من اللي انا فيه ....
وندمت اني فاتحتهم على موضوع الزواج
.
.
كل اللي ابي اعرفه هل الانسانه المعاقه ليس لها حق الزواج وطلب الستر
يااهالي يااخوه يااخوات يااباء ياامهات اقسم برب العزه ان اي وحده معاقه مشاعرها كاي وحده انسانه طبيعيه تبي الستر والزوج اللي يخاف الله فيها ويكون سندها في الدنيا ....
حسوا في مشاعرنا مدري كم وحده زي حالتي تعاني من هالشي اشلون افهم اهلي اني بخير وابي الستر والزواج اشلون افهمهم اني قادره على العطاء ولله الحمد اشلون وبااي لغه اتفاهم فيها معاهم مو حرام انه عمري يضيع من دون زواج من يتحمل ذنبي كم مره حاولت افهمهم انه الدكتور سمح لي بالزواج من دون الخلفه يعني من اللي يفهم حالتي اكثر هما ولا الدكتور ....
اقسم بالله اني في حاله نفسيه سيئه مني عارفه ايش ادعي لنفسي بالزواج والستر ولا بالموت
اتقوا الله فينا نحن مثلكم تماما لكن الفرق اننا فاقدون الصحه ....
ياليت هالنداء يوصل للاباء الجهله والاخوه والاخوات الجهله اللي زي اخواني
واللي يحرموا الانسانه المريضه من انها تكمل نصف دينها .....
خافوا عقاب الجبار واتقوا دعوتها كونها مظلومه من حقها الشرعي ....
والله اني بحاجه لدعائكم بان الله يهدي اخواني ويغيروا نظرتهم في موضوع زواجي ....
تعليق