يوبه تعال احكيلي
عن زمن انت عشته
وانا كنت من ذكراه
تخرج فيه من قبل الفجر
واتحمل يوم لهيب شمسه
ويوم برد شتاه..
وانا ماادري الا عن حضن ميتي
ويوم اصحى ادفن رجلي برمل بيتنا الطين
ويدي تلهى بلعبتي ...
وعيني على الباب تنتظر لقياك...

*******
يوبه تعال و احكيلي
عن يوم نسيته وانت ماتنساه
تكسر الصخر وتحمل طوب الحجر
عشان ريال تحطه بمخباك ..
وانت جاي تمر دكان العصر
وتطلع من جيبك ثمن شقاك
تشري به (علبة عصير) ماهو بغية مناك
تفتح باب الخشب وتنادي بنيتي
مهجتي ..
واجيك اتعثر بخطوتي
تسبقني نظرتي تقولك
وينك يافرحتي ؟ابطيت استناك .!!
تشيلني وتضمني ومن فرحتك ببسمتي
تقلي خذي حياتي عساني ماابكيك..
اشربي واطفي ضما الهجر ...!!!
واشرب وانت تناضرني وتداعبني يمناك
كانك يومها ملكت كل ماعند الحضر ...




00000
يوبه تعال واحكيلي
قلي كيف عمري ماحسيت يوم انك عشت يتيم ؟
عمري ماسمعتك تشكي اليتم و قسوته ...
معقوله قلبك الكبير
ايلي ماعاش طعم حنان ابوته ؟!!
قلي من فين كل هالحنان منك يصير
مايقولوا من فقد شي..لغيره مايطعمه !!!
اذا كلمت يوبه ماعمرنطقها شفاك
كيف علمتها لنا وبها نعتزونطير ..
00000
يوبه تعال واحكيلي
كيف اشوفك دايم مستغني وعزيز
وانا ادري ياما نقص ونقص بحاجتك يصير ؟!!
واشوف من اغنى منك يجيك وينتخي
وانت بالصفاء ورحابة الصدر ..
تمدله يدك بعطاء اكبر امير !!



بسالكم ايلي قريتوا مابخاطري ...

تهقووون مثله مايستاهل مني الفخر ؟!!

( وترااااا قلييل ماكتبت عن حكاياه....)