رد: ارجو المساعدة والافادة

اتمنى احد يفيد الأخ محمد

رد: ارجو المساعدة والافادة

وعليكم السلام ورحمة الله وبركاته
نسأل الله بمنه وكرمه ان يلبسك لباس الصحه والعافيه
شروط التقديم على التاهيل
قبل ما تقدم انبهك للعمر فلازم يكون عمرك 45 سنه وتحت
اذا عمرك اكثر من كذا ضروري يكون معك تقرير تثبت فيه انك كنت تتعالج من امراضك قبل 45
إذا كان سنك مناسب توجه لمركز التأهيل الموجود عندكم في جده وخذ معك الآتي
1- صوره من بطاقة الاحوال مع الاصل للمطابقه
3- برنت من الاحوال المدنيه
4- اربع صور شخصيه مقاس 3*4
5- تقرير طبي موضح فيه الاصابه بالانيميا المنجليه والصرع ومطلوب في الانيميا ان يكون نسبتها 70٪ فما فوق
التقرير لازم يكون من مستشفى حكومي وما مر عليه سنه .. إذا اكثر من سنه إما تطلب تقرير جديد من المستشفى او تروح لمركز التأهيل ويعطونك تحويل على اللجنه الطبيه في المستشفى وبعد ما يوصل التقرير الطبي للمركز ويشوفك الطبيب عندهم ويقبل حالتك يعبي نموذج الفحص وتروح لاخصائي اجتماعي يسجل معلوماتك وترسل جميع الاوراق للوزاره وتاخذ رقم مستفيد وتنتظر صدور البطاقه وتاخذ لها تقريباً ست او سبع شهور وإذا رحت تاخذها خذ معك بطاقة الاحوال وصوره شخصيه
مبلغ الإعانه يتحدد على حسب حالتك الصحيه
ملاحظه بعض مراكز التأهيل تدقق في الراتب وبعضها ما يدقق يعني انت وحظك
فإذا صار الراتب 3000 للمتزوج وللاعزب 2500 ما يصرفون لهم
برنت الاحوال إذا طلعته وطلبوه منك في التأهيل قدمه لهم واذا ما طلبوه احتفظ به واسكت
واذا سألوك انت موظف فهذا بينك وبين الله ابري ذمتك وخلك صادق وان كان لك رزق بتاخذه ومن ترك شيئا لله عوضه الله خيرا منه
ان شاء الله اكون افدتك مع تمنياتي لك بالتوفيق

رد: ارجو المساعدة والافادة

ربي يشفيك وويييسر كل أمورك وهاي حق من حقوقك اسعي وربي معك

رد: ارجو المساعدة والافادة

نفس ماقالت لك الاخت نجمة مسافر بالضبط اخوى .. موفق

رد: ارجو المساعدة والافادة

نفس اللي قالت الاخت نجمة المسافر
اما الملا حظة اذا انت تريد التسجيل في الضمان الاجتماعي فالا يزيد راتبك عن3000 الف ريال اما مساعده التأهيل الشامل فانت تستحقها حتي لو انت مسجل في شركة وراتبك فوق 5000الف ريال

وتقبل مروووووري

رد: ارجو المساعدة والافادة

الله يشفيك ويشفي جميع مرضى المسلمين