: 0
: 9
تويت
بسم الله الرحمن الرحيم
السلام عليكم ورحمة الله وبركاته
اخواني قبل قبل كم سنه كنت ما اعرف شئ اسمه معاق او حتى مابي اعرف وماهتميت اني اعرف ماادري كيف كانت نظرتي للمعاق في تلك الفترة هي اكيد ماكانت شفقة او استحقار بس ماحولي احد معاق عشان كذا ماهتميت اعرف وفي هاذا المنتدى الغالي تعرفت عليكم عن قرب والله الذي لا اله الا هو حبيتكم من كل قلبي كاخوان وخوات وعاهدت نفسي اني اسوي شئ ولو بسيط لكم.
كنت اشوف بعض المواضيع اللي تتكلم عن استحقار المجتمع او حتى الشفقة على المعاقين وكنت احس انه كاتبها يبالغ .
حبيت اسوي انشطة وفعاليات تتكلم عن ا لمعاق, بالمدرسة يعني كاقصى شئ اقدر اسويه تكلمت مع احدى معلماتي اللي كنت اعتبرها ممكن تكون محترمة ضحكت وبدت تعلق ,تكلمت معها بصرامة كانها استحت على وجهها قالت لي روحي لمشرفة الانشطة رحت لمشرفة الانشطة قالت ok بس بعدين وظليت انتظر بعدين وكل اسبوع اروح لها وبديت اجهز الانشطة واخذت من وقتي الكثير وبالنهاية لقيت من المشرفة التهميش مو تهميش كامل بس طلعت المطويات التوعوية تمشية حال وبعض الانشط تكنسلت, ماكانت مهتما بعكس نشاطاتي اللي عن المخدرات والمواضيع اللي ماتهم الطالبات
لكن الحمد لله جت من ورا هالفعاليات نتيجة بس مو قد اللي كنت متمنيته.
انا اسفة كان في بالي اشياء كثيره كنت متوقعة انه المشرفه تساعدني بس ان شاء الله تجينا مشرفة سنعة السنة الجايه.
لكن اهم شئ خلاني احس ان الله مايضيع عمل عامل انه صرت اسمع بعض الطالبات يتكلمن بفخر عن اخوانهم وخواتهم المعاقين
تعليق