دام عذري اقبح من الذنب في عيـن الهـوى
اسجدي يا اطهر خطايا الشوق قدم المغفره..


واسكبي دمعك مادام الضحك توه مـا ارتـوى
وامشي في درب التواضع كبرياء وبختـره..


واعلني موت العداله بلحظة فيها استـوى

ذنبي وعذري ..وعشق بظلم.. مامنه ثمره..



وانت يومنك تصد ولادري قلبك وش نـوى!

اذكر ان طبعي اجيبك ضعـف ولا عنتـره..



يا اول احبابي وانا لي قلب عنك مـا قـوى

لا جرحته ضم جرحك حشمة لك وشكره



يرتجي منك الوصل لوكان وصلك قد حـوى
هم شيب عين قلبي وانحنى منـه ظهـره..



هام بك حـد الهدايـه لانسـاك ولا انغـوى
صان حبك وانت ادرى ائمن الحب اخطره!!



بنصحك شفت الحكي لافاق حـد المستـوى
مثل ما جايز يكون ابـداع جايـز ثرثـره!!



لا يغرك حكي عذالي وانـا اول مـن طـوى
دون كبرك حلم ببقى طول عمـري اذكـره..



وكان ردت للعتاب ومنهو فينـا اللـي لـوى
ذراع خله بالخطا حتـى تمـادى وكسـره..



بكتب لفكرك عباره وافهـم انـت المحتـوى
فيها بشرح موقفي واللـي جـرى بفسـره..



الروايـه وش خطاهـا دام راويـهـا روى

نصها بوقت اعتلى جهلك اعالـي منبـره؟!






منقوله واتمنى ان تنال اعجابكم ....